محکمہ کے چیف انجینئر نے تمام ڈی ایم اور ایس پی کو وائرلیس پیغام بھیجا

پٹنہ، 5 ستمبر(ہ س)۔گنگا ندی کے پانی کی سطح مسلسل بڑھ رہی ہے۔ پٹنہ میں گاندھی گھاٹ پر یہ خطرے کے نشان سے اوپر بہہ رہا ہے اور ندی کا پانی مسلسل پھیل رہا ہے۔ اس کے پیش نظر محکمہ آبی وسائل نے ریاست کے تمام ڈی ایم اورایس پی کو وائرلیس پیغام بھیج کر ہائی الرٹ جاری کیا ہے۔

آبی وسائل محکمہ کے چیف انجینئر، ہیڈکوارٹر نے وائرلیس کمیونیکیشن کے ذریعے بتایا کہ ہفتہ کی صبح 9:00 بجے، گاندھی گھاٹ گیج سائٹ پر دریائے گنگا کے پانی کی سطح 50.51 میٹر ریکارڈ کی گئی، جو خطرے کے نشان سے 1.91 میٹر اوپر ہے اور اوپر کی طرف بڑھ رہی ہے۔

ندی اس مقام پر 50.52 میٹر کی اپنی بلند ترین سطح آب کے قریب بہہ رہی ہے اور موصول ہونے والی پیشین گوئی کے مطابق گاندھی گھاٹ گیج سائٹ پر ایک نیا ایچ ایف ایل بننے کا امکان ہے۔ اس کے نتیجے میں ندی کے بہاؤ کے علاقے بالخصوص دیارہ کے علاقوں میں دباؤ بڑھ سکتا ہے جس کے لیے ضروری احتیاط کی ضرورت ہے۔

انہوں نے کہا ہے کہ گنگا ندی کے پانی کی سطح مسلسل بڑھنے کے پیش نظر سیلاب کی تباہ کاریوں کے نقطہ نظر سے تمام ضروری احتیاطی اقدامات کئے جائیں اور ندی کے ساہلی علاقہ میں رہنے والے لوگوں کو مطلع کر کے مناسب کارروائی کی جائے۔ نیز سیلاب کی تباہ کاریوں کے لیے ضلعی سطح پر تشکیل دی گئی ٹیم کی مسلسل گشت کو یقینی بنایا جائے۔

ہندوستھان سماچار

ہندوستان سماچار / Mohammad Afzal Hassan