نئی دہلی، 3 ستمبر (ہ س)۔ گھریلو شیئر بازار میں آج ابتدائی کاروبار کے دوران مضبوطی کا رجحان نظر آ رہا ہے۔ آج کاروبار کا آغاز بھی تیزی کے ساتھ ہوا تھا۔ تاہم بازار کھلتے ہی فروخت کے دباؤ کی وجہ سے پہلے 10 منٹ کے کاروبار میں معمولی گراوٹ کا رجحان بھی رہا، لیکن اس کے بعد خریداروں نے بڑے پیمانے پر خریداری شروع کر دی۔ خریداری کے تعاون سے سینسیکس اور نفٹی دونوں اشاریوں میں تیزی آ گئی۔ بازار میں جاری مسلسل خرید و فروخت کے درمیان پہلے ایک گھنٹے کا کاروبار مکمل ہونے کے بعد سینسیکس 0.39 فیصد اور نفٹی 0.33 فیصد کی تیزی کے ساتھ کاروبار کر رہے تھے۔
بی ایس ای کا سینسیکس آج 154.60 پوائنٹس یعنی 0.20 فیصد کی مضبوطی کے ساتھ 76,724.95 پوائنٹس کی سطح پر کھلا۔ کاروبار شروع ہوتے ہی فروخت کا دباؤ بننے کے باعث کچھ ہی دیر میں یہ اشاریہ پھسل کر 76,705.02 پوائنٹس کی سطح پر آ گیا۔ اس کے بعد خریداروں نے خریداری شروع کر دی، جس سے اس اشاریے میں دوبارہ تیزی آ گئی۔ بازار میں جاری مسلسل خرید و فروخت کے درمیان پہلے ایک گھنٹے کا کاروبار مکمل ہونے کے بعد صبح 10:15 بجے سینسیکس 296.05 پوائنٹس یعنی 0.39 فیصد اچھل کر 76,866.40 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 83.50 پوائنٹس یعنی 0.35 فیصد کی چھلانگ لگا کر 23,997.95 پوائنٹس کی سطح سے کاروبار کا آغاز کیا۔ بازار کھلتے ہی فروخت کا دباؤ بن گیا، جس کی وجہ سے یہ اشاریہ گر کر 23,955.35 پوائنٹس کی سطح پر آ گیا۔ اس کے بعد خریدار سرگرم ہوئے اور خریداری شروع کر دی۔ خریداری کے تعاون سے پہلے آدھے گھنٹے کے کاروبار میں ہی نفٹی تیزی دکھاتے ہوئے 24,025.40 پوائنٹس کی سطح تک پہنچ گیا۔ تاہم اس کے بعد اس اشاریے میں معمولی گراوٹ بھی آئی۔ بازار میں جاری مسلسل خرید و فروخت کے درمیان ابتدائی ایک گھنٹے کا کاروبار مکمل ہونے کے بعد صبح 10:15 بجے نفٹی 77.85 پوائنٹس یعنی 0.33 فیصد کی تیزی کے ساتھ 23,992.30 پوائنٹس کی سطح پر کاروبار کر رہا تھا۔
اب تک کے کاروبار میں اسٹاک مارکیٹ میں 2,955 شیئرز میں فعال ٹریڈنگ ہو رہی تھی۔ ان میں سے 2,265 شیئرز منافع کے ساتھ سبز نشان میں کاروبار کر رہے تھے، جبکہ 690 شیئرز خسارے کے ساتھ سرخ نشان میں تھے۔ اسی طرح سینسیکس میں شامل 30 شیئرز میں سے 14 شیئرز خریداری کے تعاون سے سبز نشان میں برقرار تھے۔ دوسری جانب 16 شیئرز فروخت کے دباؤ میں سرخ نشان میں کاروبار کر رہے تھے۔ جبکہ نفٹی میں شامل 50 شیئرز میں سے 27 شیئرز سبز نشان میں اور 23 شیئرز سرخ نشان میں کاروبار کرتے نظر آ رہے تھے۔
ابتدائی ایک گھنٹے کا کاروبار مکمل ہونے کے بعد اسٹاک مارکیٹ کی بڑی کمپنیوں میں اڈانی پورٹس، ایکسس بینک، آئی سی آئی سی آئی بینک، ایچ ڈی ایف سی بینک اور کول انڈیا کے شیئرز 1.63 فیصد سے 1.23 فیصد تک کی مضبوطی کے ساتھ کاروبار کر رہے تھے۔ دوسری جانب ایچ سی ایل ٹیکنالوجی، ٹیک مہندرا، انفوسس، انڈیگو اور آئشر موٹرز کے شیئرز 1.33 فیصد سے 0.96 فیصد تک کی کمزوری کے ساتھ کاروبار کرتے نظر آ رہے تھے۔
اس سے قبل گزشتہ کاروباری روز بدھ کو سینسیکس 373.93 پوائنٹس یعنی 0.49 فیصد کی کمزوری کے ساتھ 76,570.35 پوائنٹس کی سطح پر بند ہوا تھا۔ وہیں نفٹی نے 141.35 پوائنٹس یعنی 0.59 فیصد کی گراوٹ کے ساتھ 23,914.45 پوائنٹس کی سطح پر بدھ کے کاروبار کا اختتام کیا تھا۔
ہندوستھان سماچار
---------------
ہندوستان سماچار / عبدالواحد
