نئی دہلی، 03 ستمبر (ہ س)۔ گلوبل مارکیٹ سے آج ملے جلے اشارے مل رہے ہیں۔ امریکی بازار گزشتہ سیشن کے دوران مضبوطی کے ساتھ بند ہونے میں کامیاب رہے۔ ڈاو جونز فیوچرز بھی آج اضافے کے ساتھ کاروبار کرتا ہوا نظر آ رہا ہے۔ دوسری جانب، یورپی بازار گزشتہ سیشن کے کاروبار کے بعد کمزوری کے ساتھ بند ہوئے۔ وہیں ایشیائی بازار میں آج عام طور پر خریداری کا رجحان بنا ہوا ہے۔امریکی بازار میں گزشتہ سیشن کے دوران جوش و خروش کا ماحول رہا، جس کے سبب مسلسل تین دن کی گراوٹ سے نکلتے ہوئے وال اسٹریٹ کے انڈیکس سبز نشان میں بند ہونے میں کامیاب رہے۔ ڈاو جونز انڈسٹریل ایوریج 295.01 پوائنٹس یعنی 0.56 فیصد بڑھ کر 53,061.89 پوائنٹس کی سطح پر پہنچ گیا۔ اسی طرح ایس اینڈ پی 500 انڈیکس نے 0.46 فیصد کی مضبوطی کے ساتھ 7,666.60 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ نیسڈیک 118.05 پوائنٹس یعنی 0.45 فیصد بڑھ کر 26,217.83 پوائنٹس کی سطح پر بند ہوا۔ وہیں ڈاو جونز فیوچرز آج فی الحال 0.10 فیصد کے اضافے کے ساتھ 53,110.98 پوائنٹس کی سطح پر کاروبار کرتا ہوا نظر آ رہا ہے۔امریکی بازار کے برعکس یورپی بازار میں گزشتہ سیشن کے دوران دباو بنا رہا۔ ایف ٹی ایس ای انڈیکس 0.31 فیصد کی گراوٹ کے ساتھ 10,756.45 پوائنٹس کی سطح پر بند ہوا۔ اسی طرح سی اے سی انڈیکس نے 0.26 فیصد کی کمزوری کے ساتھ 8,280.63 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 130.78 پوائنٹس یعنی 0.51 فیصد گر کر 25,839.33 پوائنٹس کی سطح پر بند ہوا۔ایشیائی بازار میں آج عام طور پر خریداری کا رجحان بنا ہوا ہے۔ ایشیا کے نو بازاروں میں سے آٹھ کے انڈیکس مضبوطی کے ساتھ سبز نشان میں کاروبار کر رہے ہیں، جبکہ ایک انڈیکس گراوٹ کے ساتھ سرخ نشان میں برقرار ہے۔ ایشیائی بازار میں واحد ہینگ سینگ انڈیکس فی الحال 0.08 فیصد کی معمولی کمزوری کے ساتھ 25,291 پوائنٹس کی سطح تک گر گیا ہے۔دوسری جانب، گفٹ نفٹی 136.50 پوائنٹس یعنی 0.57 فیصد کی مضبوطی کے ساتھ 24,101.50 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.52 فیصد کے اضافے کے ساتھ 5,773.81 پوائنٹس کی سطح پر پہنچا ہوا ہے۔ کوسپی انڈیکس میں آج زبردست تیزی نظر آ رہی ہے۔ فی الحال یہ انڈیکس 108.36 پوائنٹس یعنی 1.62 فیصد کی چھلانگ لگا کر 6,671.08 پوائنٹس کی سطح پر پہنچ گیا ہے۔اسی طرح جکارتا کمپوزٹ انڈیکس 0.76 فیصد کے اضافے کے ساتھ 6,646.42 پوائنٹس کی سطح تک آ گیا ہے۔ اس کے علاوہ سیٹ کمپوزٹ انڈیکس 0.47 فیصد بڑھ کر 1,582.53 پوائنٹس کی سطح پر، شنگھائی کمپوزٹ انڈیکس 0.43 فیصد کے اضافے کے ساتھ 3,958.19 پوائنٹس کی سطح پر، تائیوان ویٹڈ انڈیکس 200.07 پوائنٹس یعنی 0.43 فیصد کی مضبوطی کے ساتھ 46,364.79 پوائنٹس کی سطح پر اور نکیئی انڈیکس 209.36 پوائنٹس یعنی 0.33 فیصد کی تیزی کے ساتھ 64,535 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن