نئی دہلی، 24 ستمبر (ہ س): عالمی مارکیٹ سے ملنے والے کمزور اشاروں کا اثر آج گھریلو شیئر بازار پر بھی صاف نظر آ رہا ہے۔ ابتدائی کاروبار کے دوران گھریلو شیئر بازار میں مسلسل دباؤ برقرار ہے۔ آج کاروبار کا آغاز بھی کمزوری کے ساتھ ہوا۔ بازار کھلنے کے کچھ دیر بعد خریداروں نے خریداری کا زور بڑھا کر سینسیکس اور نفٹی دونوں انڈیکس کو سہارا دینے کی کوشش کی، لیکن کچھ ہی دیر بعد بازار میں فروخت شروع ہوگئی، جس کی وجہ سے دونوں انڈیکس کی کمزوری مزید بڑھ گئی۔ بازار میں مسلسل خرید و فروخت کے درمیان ابتدائی ایک گھنٹے کا کاروبار مکمل ہونے کے بعد سینسیکس 0.92 فیصد اور نفٹی 0.98 فیصد کی گراوٹ کے ساتھ کاروبار کر رہے تھے۔
بی ایس ای کا سینسیکس آج 555.85 پوائنٹس یعنی 0.74 فیصد کی گراوٹ کے ساتھ 74,272.40 پوائنٹس کی سطح پر کھلا۔ کاروبار شروع ہونے کے کچھ دیر بعد خریداروں نے خریداری کا زور بڑھایا، جس کی وجہ سے یہ انڈیکس ابتدائی سطح سے تقریباً 90 پوائنٹس بڑھ کر 74,362.29 پوائنٹس کی سطح تک پہنچ گیا۔ تاہم خریداری کا یہ سلسلہ زیادہ دیر جاری نہیں رہ سکا۔ کچھ ہی دیر بعد بازار میں فروخت شروع ہوگئی، جس کی وجہ سے یہ انڈیکس 700 پوائنٹس سے زیادہ ٹوٹ کر 74,111.23 پوائنٹس کی سطح تک گر گیا۔ بازار میں مسلسل خرید و فروخت کے درمیان ابتدائی ایک گھنٹے کا کاروبار مکمل ہونے کے بعد صبح 10:15 بجے سینسیکس 690.73 پوائنٹس یعنی 0.92 فیصد کی کمزوری کے ساتھ 74,137.52 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 225 پوائنٹس یعنی 0.96 فیصد کی گراوٹ کے ساتھ 23,221.80 پوائنٹس کی سطح سے کاروبار کا آغاز کیا۔ بازار کھلنے کے کچھ دیر بعد خریداری کا زور بڑھا، جس سے یہ انڈیکس ابتدائی سطح سے 60.15 پوائنٹس بڑھ کر 23,281.95 پوائنٹس کی سطح تک پہنچ گیا۔ اس کے بعد فروخت کا دباؤ بڑھ گیا، جس کی وجہ سے نفٹی کی کمزوری میں اضافہ ہونے لگا۔
شیئرز کی مسلسل فروخت کے باعث صبح تقریباً 10 بجے یہ انڈیکس 241.35 پوائنٹس پھسل کر 23,205.45 پوائنٹس کی سطح تک آ گیا۔ اس کے بعد ایک بار پھر خریداروں نے خریداری کا زور بڑھانے کی کوشش کی، جس سے اس انڈیکس کی رفتار میں معمولی بہتری نظر آنے لگی۔ بازار میں مسلسل خرید و فروخت کے درمیان ابتدائی ایک گھنٹے کا کاروبار مکمل ہونے کے بعد صبح 10:15 بجے نفٹی 229.70 پوائنٹس یعنی 0.98 فیصد کی گراوٹ کے ساتھ 23,217.10 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / عبدالواحد
