نئی دہلی، 24 ستمبر (ہ س)۔ دہلی کی وزیر اعلیٰ ریکھا گپتا نے جمعرات کو شالیمار باغ اسمبلی حلقے کے حیدرپور واقع آیورویدک اسپتال میں مفت میگا ہیلتھ چیک اپ کیمپ کا افتتاح کیا۔ انہوں نے کہا کہ ”صحت مند دہلی، مضبوط دہلی“ کے ہمارے عزم کو ’سیوا سنکلپ ابھیان‘ کے ذریعے گھر گھر پہنچایا جا رہا ہے۔

وزیر اعلیٰ نے سوشل میڈیا پلیٹ فارم ایکس پر پوسٹ کرتے ہوئے کہا کہ اس صحت جانچ کیمپ میں مختلف طبی جانچ، ماہر ڈاکٹروں کی مشاورت اور ضروری طبی رہنمائی ایک ہی جگہ پر مفت فراہم کی جا رہی ہے۔ انہوں نے علاقے کے لوگوں سے اس کیمپ میں پہنچ کر اپنی صحت کی جانچ کرانے کی اپیل کی۔

ہندوستھان سماچار

ہندوستان سماچار / محمد شہزاد