نئی دہلی، 2 ستمبر (ہ س)۔ بین الاقوامی بازار میں خام تیل کی قیمت میں آئی تیزی، امریکی ٹریژری ییلڈ میں اضافے اور مغربی ایشیا میں مسلسل بڑھتی کشیدگی کی وجہ سے دنیا بھر کے زیادہ تر شیئر بازاروں میں کم سے کم خطرے پر کام کرنے کا ماحول بنا ہوا ہے۔ پوری دنیا میں زیادہ تر سرمایہ کار محتاط انداز میں کاروبار کرتے ہوئے نظر آ رہے ہیں۔ اس کی وجہ سے گلوبل مارکیٹ سے آج کمزوری کے اشارے مل رہے ہیں۔عالمی دباو کی وجہ سے امریکی بازار گزشتہ سیشن کے دوران گراوٹ کے ساتھ بند ہوئے۔ ڈاو جونز فیوچرز بھی آج معمولی کمزوری کے ساتھ کاروبار کرتا ہوا نظر آ رہا ہے۔ یورپی بازار میں بھی گزشتہ سیشن کے دوران مسلسل فروخت کا دباو بنا رہا۔ اسی طرح ایشیائی بازار میں بھی آج چوطرفہ فروخت ہوتی ہوئی نظر آ رہی ہے۔مغربی ایشیا میں بڑھتی کشیدگی اور اس کی وجہ سے امریکہ کی معیشت پر پڑ رہے منفی اثرات کے سبب امریکی بازار میں گزشتہ سیشن کے دوران سرمایہ کار خطرہ مول لینے سے بچتے ہوئے نظر آئے۔ سرمایہ کاروں کی چوکسی کی وجہ سے وال اسٹریٹ کے انڈیکس گراوٹ کے ساتھ سرخ نشان میں بند ہوئے۔ ایس اینڈ پی 500 انڈیکس 0.71 فیصد گر کر 7,631.47 پوائنٹس کی سطح پر بند ہوا۔ اسی طرح نیسڈیک نے 271.11 پوائنٹس یعنی 1.03 فیصد گر کر 26,099.77 پوائنٹس کی سطح پر گزشتہ سیشن کے کاروبار کا اختتام کیا۔ وہیں ڈاو جونز فیوچرز آج فی الحال 0.01 فیصد کی معمولی کمزوری کے ساتھ 52,762.66 پوائنٹس کی سطح پر کاروبار کرتا ہوا نظر آ رہا ہے۔یورپی بازار میں بھی گزشتہ سیشن کے دوران مسلسل دباو بنا رہا۔ ایف ٹی ایس ای انڈیکس 0.32 فیصد کی گراوٹ کے ساتھ 10,789.28 پوائنٹس کی سطح پر بند ہوا۔ اسی طرح سی اے سی انڈیکس نے 0.39 فیصد پھسل کر 8,301.85 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 288 پوائنٹس یعنی 1.11 فیصد گر کر 25,970.11 پوائنٹس کی سطح پر بند ہوا۔ایشیائی بازار میں بھی آج مسلسل فروخت ہو رہی ہے۔ ایشیا کے تمام نو بازاروں کے انڈیکس دباو میں کاروبار کر رہے ہیں۔ گفٹ نفٹی 117 پوائنٹس یعنی 0.49 فیصد کی کمزوری کے ساتھ 23,934 پوائنٹس کی سطح پر کاروبار کر رہا ہے۔ اسی طرح جکارتا کمپوزٹ انڈیکس 0.15 فیصد گر کر 6,589.98 پوائنٹس کی سطح پر پہنچا ہوا ہے۔کوسپی انڈیکس میں آج زبردست گراوٹ آئی ہے۔ یہ انڈیکس فی الحال 256.23 پوائنٹس یعنی 3.75 فیصد گر کر 6,579.57 پوائنٹس کی سطح پر آ گیا ہے۔ اسی طرح نکیئی انڈیکس بھی آج زبردست کمزوری کا شکار ہو گیا ہے۔ فی الحال یہ انڈیکس 1,962.34 پوائنٹس یعنی 2.96 فیصد پھسل کر 64,253 پوائنٹس کی سطح پر پہنچا ہوا ہے۔ اس کے علاوہ تائیوان ویٹڈ انڈیکس 716.29 پوائنٹس یعنی 1.53 فیصد کی گراوٹ کے ساتھ 46,232.43 پوائنٹس کی سطح پر آ گیا ہے۔وہیں ہینگ سینگ انڈیکس 276.73 پوائنٹس یعنی 1.10 فیصد گر کر 25,053 پوائنٹس کی سطح پر پہنچا ہوا ہے۔ اس کے علاوہ شنگھائی کمپوزٹ انڈیکس 0.82 فیصد گر کر 3,947.26 پوائنٹس کی سطح پر، سیٹ کمپوزٹ انڈیکس 0.78 فیصد پھسل کر 1,576.23 پوائنٹس کی سطح پر اور اسٹریٹس ٹائمز انڈیکس 0.02 فیصد کی معمولی گراوٹ کے ساتھ 5,709.051 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن