لکھنؤ، 19 ستمبر (ہ س)۔ اتر پردیش حکومت نے ہفتہ کو 13 پی سی ایس افسران کے تبادلے کیے ہیں۔ ان کے تحت ایڈیشنل ڈسٹرکٹ مجسٹریٹ، سب ڈویژنل مجسٹریٹ، میونسپل کارپوریشن اور مختلف محکموں میں تعینات افسران کو نئی ذمہ داریاں سونپی گئی ہیں اور انہیں جلد از جلد عہدہ سنبھالنے کی ہدایت دی گئی ہے۔

پون کمار کو اتر پردیش کوآپریٹو شوگر ملز فیڈریشن کے جنرل منیجر کے عہدے سے ہٹا کر ایڈیشنل ڈسٹرکٹ مجسٹریٹ (فائنانس و ریونیو)، کشی نگر مقرر کیا گیا ہے، جبکہ دنیش کو ایڈیشنل ڈسٹرکٹ مجسٹریٹ (شہر)، ایودھیا بنایا گیا ہے۔ اس سے قبل وہ مﺅ ضلع میں چیف ریونیو آفیسر کے عہدے پر فائز تھے۔ وہیں متھرا میونسپل کارپوریشن کے ایڈیشنل میونسپل کمشنر سوربھ سنگھ کو ایڈیشنل ڈسٹرکٹ مجسٹریٹ (شہر)، کانپور نگر کی ذمہ داری سونپی گئی ہے۔

کانپور شہر کے ایڈیشنل ڈسٹرکٹ مجسٹریٹ (شہر) آلوک کمار گپتا کو ایڈیشنل ڈسٹرکٹ مجسٹریٹ (فائنانس و ریونیو)، کاس گنج مقرر کیا گیا ہے۔ چترکوٹ کے ایڈیشنل ڈسٹرکٹ مجسٹریٹ (جوڈیشل) ارون کمار کو جوائنٹ ڈائریکٹر (انتظامیہ)، فشریز ڈائریکٹوریٹ بھیجا گیا ہے۔ متھرا کی سب ڈویژنل مجسٹریٹ کنچن کو ایڈیشنل ڈسٹرکٹ مجسٹریٹ (جوڈیشل)، چترکوٹ اور ڈپٹی ڈائریکٹر چک بندی کی ذمہ داری دی گئی ہے۔

سورج کمار یادو کو لکھنؤ میں ریونیو بورڈ کے اسپیشل آفیسر آن ڈیوٹی کے عہدے سے ہٹا کر ایڈیشنل میونسپل کمشنر، سہارنپور مقرر کیا گیا ہے، جبکہ جتیندر کٹیار کو سب ڈویژنل مجسٹریٹ، پرتاپ گڑھ سے ڈپٹی ڈائریکٹر (انتظامیہ)، آیوروید ڈائریکٹوریٹ بنایا گیا ہے۔

وندیتا شریواستو کو سکریٹری بریلی ڈیولپمنٹ اتھارٹی، بریلی کے عہدے سے ہٹا کر ڈپٹی ڈائریکٹر (انتظامیہ)، ہائر ایجوکیشن ڈائریکٹوریٹ، پریاگ راج مقرر کیا گیا ہے۔ ہمانشو کمار گپتا کو اتر پردیش کوآپریٹو شوگر ملز فیڈریشن کے جنرل منیجر کے عہدے سے بریلی ڈیولپمنٹ اتھارٹی کے سیکریٹری کی ذمہ داری سونپی گئی ہے۔

اسی طرح سب ڈویژنل مجسٹریٹ ندھی ڈوڈوال کو بریلی سے جنرل منیجر، اتر پردیش کوآپریٹو شوگر ملز فیڈریشن بنایا گیا ہے۔ شاہجہاں پور میونسپل کارپوریشن میں تعینات ایڈیشنل میونسپل کمشنر اجے کمار ترپاٹھی کو چیف ریونیو آفیسر، مﺅ اور بھدوہی کے سب ڈویژنل مجسٹریٹ بھان سنگھ کو ایڈیشنل میونسپل کمشنر، شاہجہاں پور میونسپل کارپوریشن مقرر کیا گیا ہے۔

ہندوستھان سماچار

ہندوستان سماچار / محمد شہزاد