ماسکو، 14 ستمبر (ہ س/ریا نووستی):۔

کارنیل یونیورسٹی کے پروفیسر رچرڈ بینسل نے کہا ہے کہ تیل کی بلند قیمتوں کے باعث امریکی فیڈرل ریزرو شرحِ سود میں اضافہ کر سکتا ہے۔

ریا نووستی سے گفتگو کرتے ہوئے بینسل نے کہا کہ تیل کی قیمتیں 100 ڈالر فی بیرل یا اس سے زیادہ ہیں اور معمولی کمی کے باوجود ان کے بلند سطح پر برقرار رہنے کا امکان ہے۔ ایسی صورت میں فیڈرل ریزرو کی جانب سے شرحِ سود بڑھانے کا امکان ہے۔ انہوں نے کہا کہ یورپی یونین اور جاپان کی جانب سے حال ہی میں شرحِ سود میں کیے گئے اضافے سے بھی امریکی فیڈرل ریزرو کے شرحِ سود بڑھانے کے امکانات مزید بڑھ گئے ہیں۔

ماہرین نے خبردار کیا ہے کہ خام تیل کی بہت زیادہ قیمتوں کا اثر پوری معیشت پر پڑے گا اور جن اشیا کو زمینی یا دیگر ذرائع سے منتقل کرنا پڑتا ہے، ان سب پر مہنگائی کا دباو بڑھ جائے گا۔

پروفیسر بینسل نے وضاحت کرتے ہوئے کہا کہ جب معیشت خوردہ قیمتوں میں اضافہ کرکے ان دباو کے مطابق خود کو ڈھال لیتی ہے تو بعد میں خام تیل کی قیمت کم ہونے کے باوجود ان قیمتوں کو دوبارہ نیچے لانا مشکل ہوجاتا ہے۔ ان کے مطابق فیڈرل ریزرو کو اپنی مالیاتی پالیسی طے کرتے وقت اس پہلو کو بھی مدنظر رکھنا چاہیے۔

مغربی ایشیا میں جاری تنازع کے باعث مہنگائی کا دباو برقرار رہنے کا حوالہ دیتے ہوئے یورپی مرکزی بینک (ای سی بی) نے جمعرات کو اپنی تین اہم شرحِ سود میں 25 بیسس پوائنٹس کا اضافہ کیا تھا۔

امریکی فیڈرل ریزرو آئندہ ہفتے شرحِ سود کے بارے میں اپنا فیصلہ کرنے والا ہے۔

ہندوستھان سماچار

ہندوستان سماچار / عطاءاللہ