نئی دہلی، 13 ستمبر (ہ س)۔

برکس سربراہ اجلاس کے دوران بھارت اور ویتنام کے وزرائے اعظم کے درمیان حالیہ اعلیٰ سطحی دو طرفہ ملاقات کے بعد دفاعی سکریٹری راجیش کمار سنگھ نے اتوار کو نئی دہلی میں ویتنام کے قومی دفاع کے نائب وزیر، سینئر لیفٹیننٹ جنرل گوین ٹروونگ تھانگ کے ساتھ ملاقات کی۔ اس دوران دونوں ممالک کے درمیان دوستانہ تعلقات کو مزید مضبوط بنانے، علاقائی سلامتی کو فروغ دینے اور دو طرفہ ’جامع وسیع اسٹریٹجک شراکت داری‘ کو مزید گہرا کرنے پر خصوصی زور دیا گیا۔

بات چیت کے دوران مشترکہ سرگرمیوں کو رفتار دینے، ٹیکنالوجی کے تبادلے اور دفاعی صنعت میں تعاون بڑھانے پر خاص توجہ دی گئی۔ دونوں فریقوں نے خطے میں پ±رامن، مستحکم اور قواعد پر مبنی سلامتی کے نظام کو یقینی بنانے کے لیے بحری اور دفاعی تعلقات کو مضبوط بنانے کے اپنے مشترکہ عزم کا اعادہ کیا۔

دونوں فریقوں نے آسیان کی قیادت میں قائم نظام کے ذریعے عملی دفاعی تعاون کو فروغ دینے کے اپنے مشترکہ عزم کا اعادہ کیا۔ انہوں نے اتفاق کیا کہ ’آسیان وزرائے دفاع اجلاس پلس‘ کے ماہرین کے ورکنگ گروپس جیسے تعاون پر مبنی پلیٹ فارم ہند-بحرالکاہل خطے میں استحکام برقرار رکھنے اور اجتماعی سلامتی کے ڈھانچے کو مضبوط بنانے میں اہم کردار ادا کرتے ہیں۔ دونوں فریقوں نے ’ایرو انڈیا-2027‘ کے دوران بھارت میں اگلی ’دفاعی پالیسی مذاکرات‘ منعقد کرنے پر بھی اتفاق کیا۔

ہندوستھان سماچار

ہندوستان سماچار / عطاءاللہ