نئی دہلی، 10 ستمبر (ہ س)۔

بھارتیہ جنتا پارٹی (بی جے پی) نے اپنے سات اہم مورچوں کے لیے نئے انچارج مقرر کیے ہیں۔ پارٹی کے جنرل سکریٹری ہریش دویدی کو بھارتیہ جنتا یوا مورچہ کا انچارج بنایا گیا ہے۔

بی جے پی کی قومی نائب صدر ڈی۔ پروندیشوری کو بی جے پی مہیلا مورچہ، قومی جنرل سکریٹری ستیش پونیا کو درج فہرست قبائل (ایس ٹی) مورچہ، جنرل سکریٹری سنجے بھاٹیہ کو درج فہرست ذات (ایس سی) مورچہ، قومی نائب صدر بیجینت پانڈا کو او بی سی مورچہ، قومی نائب صدر لال سنگھ آریہ کو کسان مورچہ اور گجیندر پٹیل کو اقلیتی مورچہ کا انچارج مقرر کیا گیا ہے۔

بی جے پی کے مطابق ان تقرریوں سے تنظیمی سرگرمیوں کو نئی رفتار ملے گی اور مختلف سماجی طبقات کے درمیان پارٹی کی رسائی کو مزید مضبوط بنانے میں مدد ملے گی۔

حالیہ دنوں میں پارٹی نے قومی اور ریاستی سطح پر تنظیم میں کئی اہم تبدیلیاں کی ہیں۔ اسی سلسلے میں اب ساتوں مورچوں کے لیے نئے انچارج مقرر کیے گئے ہیں۔

ہندوستھان سماچار

ہندوستان سماچار / عطاءاللہ