نالندہ، بہار شریف، 9 اگست (ہ س)۔ نالندہ ضلع میں اتوار کے روز بجلی کے کرنٹ لگنے کے تین الگ الگ واقعات میں دو لوگوں کی موت ہو گئی اور چار دیگر شدید زخمی ہو گئے۔ مرنے والوں میں نور سرائے کے بال چند بگھا رہائشی 40سالہ اجیت چوہان اور دیپ نگر کے میگھی نگما گاؤں کے 12 سالہ اینی کمار شامل ہیں۔ پہلے واقعہ میں اجیت چوہان نورسرائے میں سڑک پر ٹوٹی ہوئی بجلی کی تار سے رابطے میں آنے سے موقع پر ہی کرنٹ لگ گیا۔گاؤں والوں نے واقعہ کی اطلاع دی تو بجلی منقطع کر کے لاش نکال لی گئی۔ اس دوران ہلسا سب ڈویژن کے ٹینا گاؤں میں آنچل کمار لکڑی کاٹتے ہوئے تار سے رابطے میں آ گیا۔ وہ شدید جھلس گیا۔ ابتدائی طبی امداد کے بعد اسے صدر اسپتال ریفر کر دیا گیا جہاں اس کی حالت تشویشناک ہے۔اسی طرح دیپ نگر کے میگھی نگما میں بورویل سے پانی پینے گئے اینی کمار کو کرنٹ لگ گیا۔ اسے بچانے کی کوشش کی گئی لیکن تب تک وہ مر چکا تھا۔ دیپ نگر تھانہ علاقہ کے تحت مہانند پور گاؤں میں بھی ایک خاتون اور ایک نوجوان کی کرنٹ لگنے سے زخمی ہو گئے۔ دونوں کا علاج صدر اسپتال میں کیا جا رہا ہے۔واقعہ کے بعد لواحقین نے محکمہ بجلی پر لاپروائی کا الزام لگایا ہے۔ ان کا کہنا ہے کہ ٹوٹی پھوٹی تاروں کی بروقت مرمت نہیں کی جاتی۔ مقامی لوگوں نے مطالبہ کیا ہے کہ گائوں میں موجود وائرنگ اور ٹیوب ویلوں کا معائنہ کیا جائے اور خستہ حال تاروں کو تبدیل کیا جائے تاکہ حادثے کا اعادہ نہ ہو۔ تھانہ انچارج نے پوسٹ مارٹم کروا کر لاشیں ورثاء کے حوالے کر دیں۔

ہندوستھان سماچار

ہندوستان سماچار / Mohammad Afzal Hassan