کولکتہ، 9 اگست ( ہ س ) : مغربی بنگال میں اتوار کو موسم میں تبدیلی کا امکان ہے۔ محکمہ موسمیات کے مطابق ریاست کے بیشتر اضلاع میں شمال سے جنوب تک ہلکی سے اوسط بارش یا گرج چمک کے ساتھ بارش کا امکان ہے۔ جنوبی بنگال کے تمام اضلاع میں کئی مقامات پر بارش کی توقع ہے۔ اضلاع میں مختلف مقامات پر گرج چمک کے ساتھ تیز ہو کی رفتار 30 سے 40 کلومیٹر فی گھنٹہ تک پہنچنے کا امکان ہے۔

جنوبی بنگال میں کولکاتہ، ہاوڑہ، ہگلی، شمالی 24 پرگنہ، جنوبی 24 پرگنہ، مشرقی میدنی پور، مغربی میدنی پور، جھاڑگرام، بانکورا، پرولیا، مشرقی بردوان، مغربی بردوان، بیربھوم، مرشد آباد اور نادیہ میں کئی مقامات پر ہلکی سے اوسط بارش اور گرج چمک کے ساتھ بارش کا امکان ہے۔ مشرقی میدنی پور، مغربی میدنی پور، شمالی 24 پرگنہ، جنوبی 24 پرگنہ، مشرقی بردوان اور بیربھوم میں ایک یا دو مقامات پر گرج چمک کے ساتھ 30 سے 40 کلومیٹر فی گھنٹہ کی رفتار سے تیز ہوائیں چلنے کا امکان ہے۔

شمالی بنگال میں دارجلنگ، کالمپونگ، جلپائی گڑی، علی پوردوار، کوچ بہار، شمالی دیناج پور، جنوبی دیناج پور اور مالدہ میں بھی زیادہ تر مقامات پر ہلکی سے اوسط بارش یا گرج چمک کے ساتھ بارش ہوگی۔ دارجلنگ، کالمپونگ، جلپائی گڑی اور علی پوردوار میں ایک یا دو مقامات پر شدید بارش کا امکان ہے۔ مالدہ، شمالی دیناج پور اور جنوبی دیناج پور میں 30 سے 40 کلومیٹر فی گھنٹہ کی رفتار سے تیز ہواؤں کے ساتھ گرج چمک کے ساتھ بارش کا امکان ہے۔

محکمہ موسمیات نے جنوبی بنگال کے کچھ حصوں میں آسمانی بجلی گرنے اور نشیبی علاقوں میں عارضی طور پر پانی جمع ہونے کی پیش گوئی کی ہے۔ شہری علاقوں میں بارش کے دوران ٹریفک بھی متاثر ہونے کا امکان ہے۔

موسم میں تبدیلی کی سب سے بڑی وجہ جنوبی مغربی بنگال اور ملحقہ شمالی اڈیشہ پر کم دباؤ کا علاقہ ہے۔ اس کے اثر سے اگلے 24 گھنٹوں کے دوران مغربی بنگال کے کچھ اضلاع میں 7 سے 11 سینٹی میٹر تک بھاری بارش کا امکان ہے۔

محکمہ موسمیات نے اگلے 24 گھنٹوں کے دوران مغربی بنگال اور اڈیشہ کے ساحلوں کے ساتھ ساتھ اور اس سے دور 35 سے 45 کلومیٹر فی گھنٹہ سے لے کر 55 کلومیٹر فی گھنٹہ تک تیز ہوائیں چلنے کی پیش گوئی کی ہے۔

ہندوستھان سماچار

--------

ہندوستان سماچار / عبدالواحد