نئی دہلی، 09 اگست (ہ س)۔

دہلی میٹرو نے اتوار کو 80ویں یوم آزادی کی تقریبات کے تحت ہفتہ بھر جاری رہنے والے پروگراموں کے ایک حصے کے طور پر ’’ہر گھر ترنگا‘‘ تھیم والی خصوصی میٹرو ٹرین متعارف کرائی۔ یہ ٹرین دہلی میٹرو نیٹ ورک کی یلو لائن پر چل رہی ہے۔ یہ معلومات دہلی میٹرو کارپوریشن لمیٹڈ (ڈی ایم آر سی) نے اپنے سوشل میڈیا اکاونٹ ایکس پر شیئر کی۔

اس سال ’’ہر گھر ترنگا‘‘ مہم ہندوستان کے قومی گیت ’’وندے ماترم‘‘ کے 150ویں سال کی خاص مناسبت سے بھی منا رہی ہے۔ تمام شہریوں کو فخر کے ساتھ قومی پرچم لہرانے اور ڈیجیٹل پروگراموں میں حصہ لینے کی ترغیب دی جارہی ہے۔ اسی مہم کے تحت دہلی میٹرو نے یلو لائن پر ’’ہر گھر ترنگا‘‘ تھیم والی میٹرو ٹرین متعارف کرائی ہے۔

’’ہر گھر ترنگا‘‘ مہم کا مقصد لوگوں کو ترنگا گھر لانے اور ہندوستان کی آزادی کی یاد میں اسے لہرانے کی ترغیب دینا ہے۔ یہ اس خیال سے متاثر تھی کہ قومی پرچم کے ساتھ ہمارا تعلق ہمیشہ ذاتی تعلق سے زیادہ رسمی اور ادارہ جاتی رہا ہے۔ اس لیے ایک قوم کی حیثیت سے اجتماعی طور پر پرچم کو گھر لانا نہ صرف ترنگے کے ساتھ ذاتی وابستگی کی علامت بن گیا بلکہ قوم کی تعمیر کے لیے ہماری اجتماعی وابستگی کی علامت بھی بن گیا۔

ہندوستھان سماچار

---------------

ہندوستان سماچار / انظر حسن