آسن (جنوبی کوریا)، 7 اگست(ہ س)۔ ہندوستان کی 17 سالہ اسٹار شٹلر تنوی شرما کی کوریا ماسٹرز 2026 میں شاندار مہم کوارٹر فائنل میں ختم ہوگئی۔ آل انڈیا مقابلے میں انہیں رکشتا رامراج نے 21-18، 19-21، 19-21 سے شکست دے کر سیمی فائنل میںداخل ہوئی۔

گزشتہ ہفتے تائیپے اوپن سپر 300 ٹائٹل جیت کر سب سے کم عمر چیمپئن بنی تنوی نے پہلا گیم کھیل کر شاندار آغاز کیا۔ تاہم، رکشتا نے دوسری اور تیسری گیم جیت کر مضبوط واپسی کی۔ اس جیت کے ساتھ، رکشتا نے تنوی کے خلاف اپنے آمنے سامنے کے ریکارڈ کو 0-4 تک پہنچا دیا۔

ہار کے باوجود تنوی نے ایک بار پھر اپنی شاندار کارکردگی سے متاثر کیا۔ اس نے اس ٹورنامنٹ میں کئی اعلی رینک کے کھلاڑیوں کو شکست دے کر کوارٹر فائنل تک رسائی حاصل کی، جس سے اس ماہ کی بی ڈبلیو ایف ورلڈ چیمپئن شپ سے قبل اس کا اعتماد مزید مضبوط ہوا۔

اس سے قبل پری کوارٹر فائنل میں، تنوی نے شریانشی والیشیٹی کو آل انڈین مقابلے میں 16-21، 21-17، 13-21 کو شکست دی تھی۔

رکشتا کا مقابلہ اب سیمی فائنل میں ہندوستان کی اشمتا چالیہا سے ہوگا۔ اشمتا نے ٹاپ سیڈ حنا اکیچی کو 22-20، 15-21، 19-21 سے شکست دے کر آخری چار میں جگہ بنائی۔

مردوں کے ڈبلز میں، ہندوستان کے پرتھوی کرشنامورتی رائے اور کرشنا پرساد گراگا جنوبی کوریا کے کم ینگ ہیوک اور شن تائی یانگ کو شکست دے کر کوارٹر فائنل میں داخل ہوئے۔

اس دوران خواتین کے ڈبلز میں سونالی سنگھ اور رتیکاٹھاکر ساتویں سیڈڈ جاپانی جوڑی سمیری ناکڑے اور میو تاکاہاشی سے 21-9 سے ہار گئیں۔

مکسڈ ڈبلز میں چھٹے درجے کی ہندوستانی جوڑی ایشان بھٹناگر اور شروتی مشرا کو جنوبی کوریا کے شن تائی یانگ اور کم یو جنگ نے 21-16, 16-21, 21-13سے شکستدی۔

ہندوستھان سماچار

---------------

ہندوستان سماچار / عبدالسلام صدیقی