رانچی، 7 اگست (ہ س)۔ جھارکھنڈ قانون ساز اسمبلی کے مانسون اجلاس کے دوران جمعہ کو وزیر خزانہ رادھا کرشن کشور نے اپوزیشن کے ہنگامے کے درمیان مالی سال 27-2026 کا پہلا ضمنی بجٹ پیش کیا۔ ضمنی بجٹ کا کل حجم 8,399 کروڑ 31 لاکھ 11 ہزار روپے ہے۔

اسمبلی میں بجٹ پیش کرنے کے دوران اپوزیشن ارکان جے پی ایس سی اور جے ایس ایس سی امتحانات میں مبینہ بے ضابطگیوں کے حوالے سے نعرے بازی کرتے رہے۔ ہنگامہ آرائی کے درمیان وزیر خزانہ نے ضمنی بجٹ پیش کیا۔

حکومت کے مطابق ضمنی بجٹ پر موجودہ اجلاس کے دوران منظوری سے قبل ایوان میں تفصیل سے بحث کی جائے گی۔ اس کے علاوہ ، ہنگامہ آرائی کے درمیان مختلف اسمبلی کمیٹیوں کی رپورٹیں پیش کی گئیں۔

قابل ذکر ہے کہ مسلسل ہنگامہ آرائی اور نعرے بازی کی وجہ سے اسمبلی اسپیکر رویندر ناتھ مہتو نے پیر کی صبح 11 بجے تک ایوان کی کارروائی ملتوی کر دی۔

ہندوستھان سماچار

ہندوستان سماچار / محمد شہزاد