دارجلنگ، 07 اگست (ہ س)۔

مرکزی وزیر داخلہ امت شاہ جلد ہی دارجلنگ کے دورے پر آ سکتے ہیں۔ راجیہ سبھا کے رکن ہرش وردھن شرنگلا نے اس مجوزہ دورے کی اطلاع دیتے ہوئے کہا کہ یہ سفر گورکھا برادری کی امنگوں اور دارجلنگ کی پہاڑیوں کی ترقی سے متعلق اہم امور پر تبادلہ خیال کا ایک اہم موقع ہوگا۔

شرنگلا نے جمعرات کو نئی دہلی میں امت شاہ سے ملاقات کی، جہاں گورکھا برادری سے متعلق مختلف امور اور دارجلنگ خطے کی ترقی کے بارے میں تفصیلی گفتگو ہوئی۔ انہوں نے بتایا کہ وزیر داخلہ نے ملک کے لیے گورکھا برادری کی خدمات کو سراہا اور ان کی شناخت اور امنگوں کو مناسب احترام دینے کی ضرورت سے اتفاق کیا۔

شرنگلا کے مطابق، ملاقات کے دوران سڑک اور نقل و حمل، بنیادی ڈھانچہ، سیاحت، روزگار کے مواقع اور شمالی بنگال کے خطے میں مجموعی ترقی کو مضبوط بنانے جیسے موضوعات پر بھی بامعنی گفتگو ہوئی۔

انہوں نے اپنے سوشل میڈیا پوسٹ میں کہا کہ امت شاہ کا مجوزہ دارجلنگ دورہ ان تمام امور پر براہِ راست مکالمے کا موقع فراہم کرے گا۔ امکان ہے کہ اس دورے کے دوران شرنگلا بھی ان کے ساتھ موجود رہیں گے۔

ہندوستھان سماچار

ہندوستان سماچار / عطاءاللہ