۔ مرکزی وزیر نائیڈو سے مدھیہ پردیش کے نائب وزیر اعلیٰ نے ملاقات کی، ہوائی خدمات کے افتتاح کے پروگرام میں شامل ہونے کی درخواست کی

بھوپال، 04 اگست (ہ س)۔ مدھیہ پردیش کے ریوا ایئرپورٹ سے آنے والے 9 اگست کو ریوا-کولکاتا اور ریوا-بھوپال (72 سیٹر) ہوائی خدمات شروع ہو رہی ہیں۔ ریاست کے نائب وزیر اعلیٰ راجندر شکلا نے گزشتہ دنوں نئی دہلی پہنچ کر مرکزی شہری ہوا بازی کے وزیر کنجراپو رام موہن نائیڈو سے خیرسگالی ملاقات کی اور ہوائی خدمات کے افتتاح کے پروگرام میں شامل ہونے کی درخواست کی۔

نائب وزیر اعلیٰ شکلا نے منگل کو جاری ایک بیان میں مذکورہ معلومات دی۔ انہوں نے کہا کہ وزیراعظم نریندر مودی کی رہنمائی اور وزیر اعلیٰ ڈاکٹر موہن یادو کی قیادت میں مدھیہ پردیش میں ہوائی رابطہ مسلسل توسیع پا رہا ہے۔ ریوا سے کولکاتا اور بھوپال کے لیے شروع ہونے والی نئی ہوائی خدمات وندھیا خطے میں صنعت، تجارت، تعلیم، صحت، سیاحت اور سرمایہ کاری کے امکانات کو نئی رفتار دیں گی اور خطے کی ہمہ جہت ترقی میں اہم کردار ادا کریں گی۔ انہوں نے کہا کہ بہتر ہوائی رابطے سے وندھیا خطہ قومی ترقی کے اہم دھارے سے اور زیادہ مضبوطی سے جڑے گا نیز مقامی شہریوں، طلباء، تاجروں اور سیاحوں کو اس کا براہ راست فائدہ ملے گا۔

مرکزی شہری ہوا بازی کے وزیر رام موہن نائیڈو کنجراپو نے کہا کہ ریوا ایئرپورٹ، جو کبھی صرف ایک ہوائی پٹی تھا، آج وزیراعظم مودی کی ’اڑان‘ اسکیم سے تیار ہو کر وندھیا خطے کی ترقی کا مضبوط بنیاد بن چکا ہے۔ انہوں نے کہا کہ کم وقت میں ریوا ایئرپورٹ نے قابلِ ذکر کامیابی حاصل کی ہے، دہلی اور رائے پور جیسے اہم شہروں سے ہوائی رابطہ قائم ہونے سے خطے کو وسیع فائدہ ملا ہے۔

انہوں نے مسرت کا اظہار کرتے ہوئے کہا کہ بڑھتی ہوئی عوامی ضروریات کو دیکھتے ہوئے 9 اگست سے ریوا کو کولکاتا اور بھوپال کے لیے نئی ہوائی خدمات کا تحفہ ملنے جا رہا ہے۔ یہ نئی ہوائی خدمات وندھیا خطے کو ملک کے مشرقی حصے سمیت دیگر اہم شہروں سے اور زیادہ موثر طریقے سے جوڑیں گی۔

ہندوستھان سماچار

---------------

ہندوستان سماچار / انظر حسن