کاٹھمنڈو، 31 اگست (ہ س)۔ نیپال کے راسوا میں تباہ کن سیلاب کے بعدراحت، تلاش اور بچاو کی کارروائیاں جاری ہیں۔ آج صبح 11 بجے تک نیپال کی وزارت داخلہ کی نیشنل ڈیزاسٹر مینجمنٹ اتھارٹی کی رپورٹ کے مطابق اب تک 903 لاشیں برآمد ہوئی ہیں، جبکہ 4,247 لوگ اب بھی لاپتہ ہیں۔

اتھارٹی کے مطابق اب تک برآمد ہونے والی لاشوں میں راسوا سے 24، نواکوٹ سے 95، دھڈنگ سے 55، گورکھا سے 62، نوالپراسی ایسٹ سے 207، نوالپراسی ویسٹ سے 151، تنہوں سے 37 اور چتوان سے 272 لاشیں شامل ہیں۔ ان میں بہت سی نامعلوم انسانی باقیات بھی شامل ہیں۔ حکومت نیپال کے مختلف اداروں سے اب تک 4247 افراد کے لاپتہ ہونے کی اطلاع ہے۔

سرکاری اعداد و شمار کے مطابق لاپتہ افراد میں نیپال پولیس کے 25 اہلکار، نیپال آرمی کے 45 اہلکار، مسلح پولیس فورس کے 13 اہلکار، کسٹم آفس کے 15 اہلکار اور امیگریشن آفس کے 3 اہلکار شامل ہیں۔ اس کے علاوہ، راسوا میں 865 افراد اور نواکوٹ میں 1,558 کے لاپتہ ہونے کی اطلاع ہے۔لاپتہ افراد میں پن بجلی منصوبوں سے وابستہ 933 افراد، مکوان پور سے 65، غیر ملکی شہری 592اور نیپالی شہری جو غیر ملکیوں کے ساتھ سفر کر رہے ہیں 127، لنگتانگ نیشنل پارک سے3 اور 3 قرنطینہ دفتر سے بھی لاپتہ فہرست میںشامل ہیں۔

حکومت نیپال کے مطابق، اب تک کل 10,451 لوگوں کو نکالا جا چکا ہے۔ نیپال آرمی کے فضائی ریسکیو آپریشن میں 252 غیر ملکی شہریوں اور نیپالی شہریوں کو نکالا گیا۔ رپورٹ کے مطابق 30 اگست تک 15 چینی اور 7 ہندوستانی شہریوں کو بھی پن بجلی منصوبوں سے بچایا گیا ہے۔ 31 اگست کو 17 ہیلی کاپٹروں سمیت اب تک 411 ہیلی کاپٹروں کی پروازیں کی جا چکی ہیں۔

سیلاب میں کل 267 افراد زخمی ہوئے ہیں۔ ان میں سے 156 کو اسپتال سے فارغ کر دیا گیا ہے۔ متاثرہ علاقوں میں چھ جراحی طبی ٹیمیں بھی تعینات کی گئی ہیں۔ کل 20,819 حفاظتی اہلکار راحتاور بچاو کی کارروائیوں میں مصروف ہیں۔ ان میں نیپال پولیس کے 7,894، نیپال آرمی کے 8,722 اور مسلح پولیس فورس کے 4,203 جوان شامل ہیں۔ اتھارٹی نے بتایا کہ نامعلوم لاشوں کو مختلف اضلاع کے 21 اسپتالوں میں رکھا گیا ہے۔ لاشوں کی شناخت اور انتظام جاری ہے۔ متاثرہ علاقوں میں ایندھن کی دستیابی کے تحت 25,000 لیٹر ڈیزل، 21,000 لیٹر پٹرول اور 10,000 لیٹر ہوا بازی کے ایندھن کا ذخیرہ موجود ہے۔

ہندوستھان سماچار

---------------

ہندوستان سماچار / عبدالسلام صدیقی