سرینگر، 31 اگست (ہ س) ۔سیکورٹی فورسز نے پیر کو شوپیاں ضلع میں دہشت گردوں کے ایک مشتبہ ٹھکانے کا پردہ فاش کیا اور اسلحہ اور گولہ بارود کا ذخیرہ برآمد کیا۔ عہدیداروں نے بتایا کہ جموں و کشمیر پولیس، 44 راشٹریہ رائفلز اور سی آر پی ایف کی طرف سے شوپیان کے نائک پورہ میمندر میں مخصوص اطلاع پر مشترکہ آپریشن شروع کیا گیا۔ باغات کے علاقے میں تلاشی کے دوران، ٹیم نے ایک ٹھکانے کا پردہ فاش کیا اور اسلحہ اور گولہ بارود برآمد کیا جس میں ایک اے کے 47 رائفل، دو اے کے 47 میگزین، 7.62 ایم ایم گولہ بارود کے 60 راؤنڈ، ایک پستول، ایک گرنیڈ اور 9 ایم ایم گولہ بارود کے چھ راؤنڈ شامل ہیں۔ حکام نے بتایا کہ برآمد شدہ ہتھیاروں کی اصلیت اور اس کے استعمال کے بارے میں مزید تفتیش شروع کر دی گئی ہے۔ہندوستھان سماچار

ہندوستان سماچار / Aftab Ahmad Mir