نئی دہلی، 3 اگست (ہ س)۔

سپریم کورٹ نے انفورسمنٹ ڈائریکٹوریٹ (ای ڈی) سے پوچھا ہے کہ کیا ترنمول کانگریس کے منجمد بینک کھاتوں سے روزمرہ کے اخراجات کے لیے محدود رقم عدالت کی جانب سے مقرر کردہ منتظم کو جاری کی جا سکتی ہے۔ جسٹس ایم ایم سندریش کی سربراہی والی بنچ نے معاملے کی اگلی سماعت 11 اگست کو مقرر کی ہے۔

پیر کے روز سماعت کے دوران سپریم کورٹ نے ای ڈی کو مشورہ دیا کہ انتظامیہ کو کچھ رقم جاری کر دی جائے تاکہ وہ پارٹی کے روزمرہ کے امور چلا سکے۔

اس پر ای ڈی کی جانب سے پیش ہونے والے ایڈیشنل سالیسٹر جنرل ایس وی راجو نے کہا کہ یہ رقم پہلے ہی دستیاب ہے اور 164 کروڑ روپے ضبط نہیں کیے گئے ہیں۔ترنمول کانگریس کی جانب سے پیش ہونے والے سینئر وکیل کپل سبل نے اس موقف کی مخالفت کرتے ہوئے پارٹی کو راحت فراہم کرنے کی درخواست کی۔

ای ڈی نے تحقیقات کے دوران پارٹی کے بینک کھاتے منجمد کر دیے تھے۔ اس کے بعد وزیر اعلیٰ ممتا بنرجی کی قیادت والی ترنمول کانگریس نے کلکتہ ہائی کورٹ میں درخواست دائر کی تھی، لیکن ہائی کورٹ نے اسے مسترد کر دیا تھا۔ اس فیصلے کے خلاف ترنمول کانگریس نے سپریم کورٹ سے رجوع کیا ہے۔

ہندوستھان سماچار

ہندوستان سماچار / عطاءاللہ