شولاپور میں ایم ڈی ڈرگس سپلائی کرنے والا ملزم ممبئی سے گرفتارشولاپور، 3 اگست (ہ س)۔ شولاپور شہر میں ایم ڈی (میفیڈرون) ڈرگس سپلائی کرنے کے الزام میں 51 سالہ محمود شیخ کو سٹی کرائم برانچ کی ٹیم نے ممبئی سے گرفتار کر کے شولاپور منتقل کر دیا ہے۔ پولیس کے مطابق اس سے قبل بھی میفیڈرون سے متعلق ایک مقدمے میں اس کے خلاف کارروائی کی جا چکی ہے، جبکہ فوجدار چاوڑی پولیس اسٹیشن میں درج نئے مقدمے کی تفتیش کے دوران بھی وہی مبینہ مرکزی سپلائر ہونے کا انکشاف ہوا ہے۔ پولیس اسے 4 اگست کو عدالت میں پیش کرے گی۔پولیس کے مطابق 29 جولائی کو فوجدار چاوڑی پولیس اسٹیشن کی حدود میں واقع پرانے پونا ناکہ علاقے میں سٹی کرائم برانچ نے روپیش پردیپ تھڈسرے (34)، ساکن متر نگر، شیلگی کو گرفتار کیا تھا۔ اس کے قبضے سے تقریباً 6 لاکھ 80 ہزار روپے مالیت کی 34 گرام ایم ڈی ڈرگس برآمد ہوئی تھی۔ یہ کارروائی مخبر کی اطلاع پر سینئر پولیس انسپکٹر اروند مانے کی رہنمائی میں اسسٹنٹ پولیس انسپکٹر دتاتریہ مالی اور پولیس سب انسپکٹر منوج مورے کی ٹیم نے انجام دی تھی۔شدورانِ تفتیش گرفتار ملزم نے بتایا کہ ایک شخص ریلوے کے ذریعے اسے منشیات فراہم کر کے گیا تھا۔ اس اطلاع کی بنیاد پر پولیس کی تفتیش محمود شیخ تک پہنچی، جس کے بعد اسے ممبئی سے گرفتار کر کے سولاپور لایا گیا۔پولیس نے بتایا کہ اس سے قبل 22 اپریل کو جیل روڈ پولیس اسٹیشن کی حدود میں سفیان پھلاری اور توفیق سید کو 46 گرام میفیڈرون کے ساتھ گرفتار کیا گیا تھا۔ اس مقدمے کی تفتیش میں بھی محمود شیخ کو منشیات کا مبینہ مرکزی سپلائر قرار دیا گیا تھا اور اس وقت بھی اسے ممبئی سے گرفتار کیا گیا تھا۔مسلسل دوسری بار ایم ڈی ڈرگس کے مقدمے میں محمود شیخ کا نام سامنے آنے کے بعد سولاپور میں منشیات کی سپلائی چین کی تفتیش مزید تیز کر دی گئی ہے۔ پولیس اس ریکیٹ میں ملوث دیگر افراد کی شناخت اور گرفتاری کے لیے مختلف زاویوں سے تحقیقات کر رہی ہے۔ہندوستھان سماچار--------------------

ہندوستان سماچار / جاوید این اے