گوہاٹی، 29 اگست (ہ س)۔ شمال مشرقی خطے میں تیراکی کے فروغ کو نئی رفتار دینے کے لیے اسپورٹس اتھارٹی آف انڈیا (ایس اے آئی)، بیڈمنٹن ایسوسی ایشن آف انڈیا (بی اے آئی) اور اسپورٹس اتھارٹی آف آسام (ایس اے اے) کے درمیان سہ فریقی معاہدے پر دستخط کیے گئے۔

معاہدے کے تحت امنگاؤں اسپورٹس کمپلیکس میں واقع اولمپک سائز کے سوئمنگ پول کو اسپورٹس اتھارٹی آف انڈیا کے لیے دستیاب کرایا جائے گا، جہاں تیراکی کے لیے اعلیٰ درجہ کا قومی مرکز (این سی او ای) قائم کیا جائے گا۔

اس موقع پر آسام کے وزیر اعلیٰ ہیمنت بسوا سرما، آسام حکومت کے کھیلوں کے وزیر، رکن پارلیمنٹ بجولی کلیتا میدھی سمیت کئی معزز شخصیات اور سینئر افسران موجود رہے۔

اسپورٹس اتھارٹی آف انڈیا کی جانب سے ڈپٹی ڈائریکٹر جنرل منجوشری دیانند اور علاقائی مرکز گوہاٹی کے ایگزیکٹو ڈائریکٹر ڈی کے متل نے پروگرام میں شرکت کی۔

یہ مرکز شمال مشرقی خطے میں تیراکی کا پہلا قومی مرکز برائے عمدگی ہوگا۔ اس کے ذریعے کھلاڑیوں کو عالمی معیار کی تربیتی سہولیات اور پیشہ ورانہ تعاون فراہم کرنے کے ساتھ ساتھ آسام اور شمال مشرق کی دیگر ریاستوں سے تیراکی کے باصلاحیت کھلاڑیوں کی شناخت، تربیت اور ترقی پر زور دیا جائے گا۔

اس مرکز کے قیام سے خطے میں اعلیٰ کارکردگی پر مبنی کھیلوں کے ماحولیاتی نظام کو مضبوط بنانے کی امید ہے۔ اس سے شمال مشرق کے تیراکوں کو قومی اور بین الاقوامی سطح پر اپنی صلاحیتیں نکھارنے اور بہتر کارکردگی کا مظاہرہ کرنے کے مزید مواقع ملیں گے۔

یہ پہل خطے میں کھیلوں کے بنیادی ڈھانچے کو مضبوط بنانے اور تیراکی میں مستقبل کے بین الاقوامی سطح کے کھلاڑی تیار کرنے کی سمت میں ایک اہم قدم قرار دی جا رہی ہے۔

ہندوستھان سماچار

---------------

ہندوستان سماچار / عبدالواحد