امراوتی میں تیز رفتار بلینو کار میڈیکل اسٹور میں گھس گئی، کوئی جانی نقصان نہیں

امراوتی، 28 اگست (ہ س)۔ شہر کے کٹھورا ناکا علاقے میں ایک تیز رفتار بلینو کار بے قابو ہوکر براہ راست آروگیہ بھارتی میڈیکل اسٹور میں جا گھسی۔ حادثے میں میڈیکل اسٹور کو نقصان پہنچا، تاہم خوش قسمتی سے کوئی جانی نقصان نہیں ہوا۔ واقعے کے بعد علاقے میں کچھ دیر کے لیے افراتفری کا ماحول پیدا ہوگیا۔

موصولہ اطلاعات کے مطابق کٹھورا ناکا علاقے میں سڑک کے کنارے آروگیہ بھارتی میڈیکل اسٹور واقع ہے۔ میڈیکل اسٹور کا احاطہ سڑک کی سطح سے کچھ نیچے ہے۔ اسی دوران تیز رفتاری سے آنے والی بلینو کار کے ڈرائیور کا گاڑی پر سے کنٹرول ختم ہوگیا اور کار سیدھی میڈیکل اسٹور کے شٹر سے جا ٹکرائی اور احاطے میں داخل ہوگئی۔

اچانک پیش آنے والے اس حادثے کے باعث میڈیکل اسٹور میں موجود ملازمین اور آس پاس کے شہریوں میں خوف و ہراس پھیل گیا۔ واقعے کی اطلاع ملتے ہی مقامی شہری موقع پر پہنچ گئے اور صورتحال کا جائزہ لیا۔ حادثے کے بعد کار میڈیکل اسٹور کے احاطے میں پھنس گئی تھی۔ اسے باہر نکالنے کے لیے کرین کی مدد لی گئی۔ بعد ازاں کرین کے ذریعے کار کو محفوظ طریقے سے میڈیکل اسٹور کے احاطے سے باہر نکالنے میں کامیابی حاصل ہوئی۔ حادثے میں میڈیکل اسٹور کو نقصان پہنچا، تاہم خوش قسمتی سے کوئی شخص زخمی یا ہلاک نہیں ہوا اور ایک بڑی ممکنہ حادثے سے بچاؤ ہوگیا۔

ہندوستھان سماچار

--------------------

ہندوستان سماچار / جاوید این اے