نئی دہلی، 24 اگست (ہ س)۔

جنوبی دہلی کے گریٹر کیلاش-1 علاقے میں کیلاش کالونی میٹرو اسٹیشن کے قریب اتوار کی رات پیش آئے ایک خوفناک سڑک حادثے میں 71 سالہ خاتون ششی کی موت ہوگئی، جبکہ ان کے 65 سالہ شوہر کلبھوشن زخمی ہوگئے۔ حادثے میں مبینہ طور پر ملزم ڈرائیور نے پہلے کئی گاڑیوں کو ٹکر ماری اور اس کے بعد سڑک پر پیدل چل رہے میاں بیوی کو اپنی زد میں لے لیا۔حادثے کے بعد موقع پر افراتفری مچ گئی۔ زخمی جوڑے کو فوری طور پر علاج کے لیے مول چند اسپتال لے جایا گیا، جہاں ڈاکٹروں نے ششی کو مردہ قرار دے دیا۔ ان کے شوہر کلبھوشن کا علاج کیا گیا اور حالت مستحکم ہونے کے بعد انہیں بیان دینے کے لیے فٹ قرار دیا گیا۔

پولیس کے مطابق 23 اگست کو گریٹر کیلاش-1 تھانے کی پولیس کو سڑک حادثے کی اطلاع ملی تھی۔ اطلاع ملتے ہی پولیس ٹیم موقع پر پہنچی۔ ابتدائی تفتیش میں معلوم ہوا کہ مبینہ طور پر ڈرائیور نے گاڑی چلاتے ہوئے پہلے کئی گاڑیوں کو ٹکر ماری اور اس کے بعد پیدل جا رہے جوڑے کو بھی گاڑی کی زد میں لے لیا۔حادثے میں دونوں شدید زخمی ہوگئے تھے۔ پولیس نے کارروائی کرتے ہوئے ملزم ڈرائیور تپن کو گرفتار کر لیا ہے۔

پولیس حادثے کی مکمل صورتحال، ڈرائیور کے کردار اور گاڑی کی رفتار سمیت دیگر پہلوؤں کی تحقیقات کر رہی ہے۔ اس سلسلے میں گریٹر کیلاش-1 تھانے میں بھارتیہ نیائے سنہتا (BNS) کی دفعات 281، 125(اے) اور 106 کے تحت ایف آئی آر درج کی گئی ہے۔پولیس یہ بھی جاننے کی کوشش کر رہی ہے کہ حادثہ کن حالات میں پیش آیا اور آیا گاڑی کی رفتار یا کوئی دوسری وجہ حادثے کی ذمہ دار تھی۔

ہندوستھان سماچار

ہندوستان سماچار / Mohammad Khan