سنسناٹی، 18 اگست (ہ س)۔ ٹینس کی مایہ ناز کھلاڑی وینس ولیمز اور سرینا ولیمز سنسناٹی اوپن کے ویمنز ڈبلز کے دوسرے راونڈ میں پہنچنے سے صرف دو پوائنٹس پیچھے رہ گئیں۔ پیر کو کھیلے گئے پہلے راونڈ کے میچ میں یوکرین کی مارٹا کوسٹیوک اور مقامی کھلاڑی پیٹن سٹیرنز نے ولیمز بہنوں کو 6-,2 1-,6 8-10 سے شکست دی۔

یہ میچ 2022 کے یو ایس اوپن کے بعد سرینا اور وینس کا ایک ساتھ پہلا مسابقتی میچ تھا۔ دونوں بہنوں نے اپنی پرانی شکل کی جھلکیاں دکھائیں جب انہوں نے تین سیٹ کے سنسنی خیز مقابلے میں شاندار واپسی کی لیکن فیصلہ کن سپر ٹائی بریک میں فتح سے دو پوائنٹس کم رہ گئے۔

ولیمز بہنوں کو سنسناٹی اوپن میں وائلڈ کارڈ انٹری ملی۔ یہ ٹورنامنٹ یو ایس اوپن کی تیاری میں اہم سمجھا جارہا ہے، جو چھ دن بعد شروع ہونے والا ہے۔

پہلے سیٹ میں سرینا اور وینس نے 2-6 سے جیت کر مضبوط گیم کھیلی۔ تاہم، کوسٹیوک اور سٹیرنز نے دوسرے سیٹ میں شاندار طریقے سے مقابلہ کیا، سیٹ کو 1-6 سے اپنے نام کر کے میچ کو فیصلہ کن سپر ٹائی بریک پر پہنچا دیا۔

فیصلہ کن مقابلے میں دونوں جوڑیوں نے سخت مقابلہ کیا، لیکن کوسٹیوک اور سٹرنز نے 8 - 10 سے کامیابی حاصل کی۔ اس دوران ولیمز بہنوں نے اس کھیل کی بہت سی شاندارجھلکیاں دکھائیں جس نے انہیں متعدد گرینڈ سلیم خطابات دلائے اور کھیلوں کی تاریخ کی سب سے کامیاب بہن جوڑیوں میں شامل کیا۔

مارٹا کوسٹیوک اور پیٹن سٹیرنز کا اب دوسرے راونڈ میں تیسری سیڈ کرسٹینا ملدینووچ اور ہنیو گو سے مقابلہ ہوگا۔

ہندوستھان سماچار

---------------

ہندوستان سماچار / عبدالسلام صدیقی