امپھال، 18 اگست (ہ س)۔ منی پور میں امن کی بحالی کے لیے جاری مہم کے تحت سکیورٹی فورسز کو منگل کے روز اس وقت بڑی کامیابی ملی جب ممنوعہ شدت پسند تنظیم کے سی پی(تائی بانگ نبا( کے 46 کیڈروں نے ہتھیار ڈال کر قومی دھارے میں واپس آنے کا فیصلہ کیا۔ اس دوران دو دیگر شدت پسند کیڈروں اور منشیات اسمگلنگ کے ایک ملزم کو بھی گرفتار کیا گیا۔

امپھال میں واقع فرسٹ منی پور رائفلز پریڈ گراؤنڈ میں منعقدہ گھر واپسی تقریب کے دوران 46 کیڈروں نے وزیر اعلیٰ یومنم کھیم چند سنگھ کے سامنے خودسپردگی کی۔ انہوں نے سکیورٹی فورسز کے حوالے 20 ہتھیار، گولہ بارود کے 216 راؤنڈ اور تین دھماکہ خیز مواد بھی حوالے کیے۔ خودسپردگی کرنے والے کیڈروں کی بازآبادکاری کا عمل حکومتِ ہند کی ’شمال مشرقی ریاستوں میں شدت پسندوں کی خودسپردگی اور بازآبادکاری کے لیے نظرثانی شدہ اسکیم، 2018‘ کے تحت کیا جائے گا۔

دریں اثنا، امپھال مغربی ضلع کے امپھال تھانہ علاقے کے کیشام پٹ لیماجام لکیئی علاقے میں تلاشی مہم کے دوران سی ڈی او-آئی ڈبلیو کی ٹیم نے کے سی پی (پی ڈبلیو جی) کے رکن خوئیرا کپام مالیم چاؤبا میتئی (29) عرف میتئی کو گرفتار کر لیا۔

وہیں، 17 اگست کو سکیورٹی فورسز نے بشنوپور ضلع کے نامبول تھانہ علاقے میں واقع نامبول چنگ مانگ کراسنگ سے یو این ایل ایف (کے) کے فعال کیڈر سلام ٹومبا سنگھ 22 عرف اٹومبا، ٹونڈونبا اور ایٹومبا کو گرفتار کیا۔ اس پر جبری وصولی میں ملوث ہونے کا الزام ہے۔ اس کے قبضے سے سرخ رنگ کی ہونڈا ایکٹیوا (MN-01AB-8812) بھی برآمد کی گئی۔

اسی روز نارکوٹکس اینڈ افیئرز آف بارڈر (این اے بی) تھانہ پولیس نے کانگ پوکپی ضلع کے سیتو گمفاجول علاقے سے منی کمار سوناری کو گرفتار کیا۔ یہ کارروائی کوڈین پر مشتمل ہزاروں کھانسی کے شربت کی بوتلوں کی ضبطی سے متعلق این ڈی پی ایس ایکٹ کے تحت درج ایف آئی آر کی تحقیقات کے دوران کی گئی۔

ہندوستھان سماچار

ہندوستان سماچار / Mohammad Khan