گالے، 17 اگست (ہ س)۔

ہندوستانی آل راو¿نڈر رویندر جڈیجہ نے سری لنکا کے خلاف پہلے ٹیسٹ کے تیسرے دن پیر کو ایک خاص اعزاز اپنے نام کر لیا۔ جڈیجہ ٹیسٹ کرکٹ میں 4,000 سے زیادہ رنز اور 350 وکٹیں حاصل کرنے والے دنیا کے چوتھے آل راؤنڈر بن گئے ہیں۔ جڈیجہ کے اب 4,095 رنز اور 350 وکٹیں ہو گئی ہیں۔

سری لنکا کی پہلی اننگز میں جڈیجہ نے دھننجے ڈی سلوا، سونل دنوشا اور کیشارا نو نتھا کی وکٹیں حاصل کیں۔ اس کے ساتھ ہی ان کی ٹیسٹ وکٹوں کی تعداد 350 تک پہنچ گئی۔ جڈیجہ نے اس سے قبل ہندوستانی اننگز میں 13 رنز بنائے تھے۔

جڈیجہ سے پہلے ہندوستان کے کپل دیو، انگلینڈ کے ایان بوتھم اور نیوزی لینڈ کے ڈینیئل ویٹوری یہ کارنامہ انجام دے چکے ہیں۔ ان چاروں میں جڈیجہ واحد کھلاڑی ہیں جنہوں نے 100 سے کم ٹیسٹ میچوں میں یہ اعزاز حاصل کیا ہے۔

کپل دیو اس فہرست میں سب سے آگے ہیں۔ انہوں نے ہندوستان کے لیے 131 ٹیسٹ میچوں میں 5,248 رنز اور 434 وکٹیں حاصل کی ہیں۔ انگلینڈ کے ایان بوتھم نے 102 ٹیسٹ میچوں میں 5,200 رنز اور 383 وکٹیں حاصل کیں۔

نیوزی لینڈ کے ڈینیئل ویٹوری نے 113 ٹیسٹ میچوں میں 4,530 رنز اور 362 وکٹیں اپنے نام کی ہیں۔ جڈیجہ اب اس خاص فہرست میں شامل ہونے والے چوتھے کھلاڑی بن گئے ہیں۔

ہندوستھان سماچار

ہندوستان سماچار / عطاءاللہ