نئی دہلی، 14 اگست (ہ س)۔

پرانی دہلی 6 نے شاندار جدوجہد کا مظاہرہ کرتے ہوئے دہلی پریمیئر لیگ (ڈی پی ایل) 2026 میں جمعرات کی دیر رات نارتھ دہلی اسٹرائیکرز کو ایک سنسنی خیز مقابلے میں چار وکٹ سے شکست دے دی۔ پرانی دہلی 6 نے 187 رن کے مشکل ہدف کو آخری اوور میں حاصل کرتے ہوئے مقابلہ اپنے نام کر لیا۔

پہلے بلے بازی کرتے ہوئے نارتھ دہلی اسٹرائیکرز نے کپتان سارتھک رنجن اور یش بھاٹیہ کی شاندار نصف سنچریوں کی بدولت 20 اوور میں 186 رن بنائے۔ ٹیم کی شروعات محتاط انداز میں ہوئی۔ رنجن اور ویبھو کندپال نے پہلے وکٹ کے لیے 45 رن جوڑے۔ کندپال 11 گیندوں پر 14 رن بنا کر آؤٹ ہوئے، جس کے بعد یش بھاٹیہ کریز پر آئے۔

رنجن اور بھاٹیہ نے اس کے بعد اننگز کو سنبھالتے ہوئے دوسرے وکٹ کے لیے 61 رن کی شراکت داری کی۔ رنجن نے اپنی شاندار فارم جاری رکھتے ہوئے 37 گیندوں پر 59 رن بنائے، جبکہ بھاٹیہ نے بھی 41 گیندوں میں 59 رن کی اننگز کھیلی۔ آخری اوورز میں یش ڈباس نے 22 گیندوں پر 36 رن کی مفید اننگز کھیل کر ٹیم کا اسکور 186/6 تک پہنچا دیا۔

187 رن کے ہدف کا تعاقب کرنے اتری پرانی دہلی 6 کی شروعات انتہائی خراب رہی اور ٹیم 53 رن پر چار وکٹ گنوا کر مشکل میں پھنس گئی۔ اس کے بعد اشونی چلر اور للت یادو نے شاندار واپسی کرائی۔دونوں نے پانچویں وکٹ کے لیے 105 رن کی بہترین شراکت داری کرکے میچ کا رخ پوری طرح بدل دیا۔ للت یادو نے 41 گیندوں پر 64 رن کی اہم اننگز کھیلی۔ ان کے آؤٹ ہونے کے بعد بھی چلر نے محاذ سنبھالے رکھا۔

چلر کا ساتھ دینے روہن راٹھی آئے اور دونوں نے آخری اوور میں ہدف کو سات رن تک پہنچا دیا۔ تاہم چلار 36 گیندوں پر 45 رن کی جدوجہد بھری اننگز کھیل کر آؤٹ ہوگئے اور مقابلہ ایک بار پھر سنسنی خیز ہوگیا۔اس کے بعد دباؤ بھرے لمحات میں پنکج جسوال نے کمال کر دکھایا۔ انہوں نے پہلی ہی گیند پر چھکا جڑا اور اگلی گیند پر بھی گیند کو باؤنڈری کے پار پہنچا کر پرانی دہلی 6 کو یادگار فتح دلا دی۔اس طرح پرانی دہلی 6 نے 53/4 کی مشکل صورتحال سے واپسی کرتے ہوئے 187 رن کا ہدف حاصل کر لیا اور نارتھ دہلی اسٹرائیکرز کے ہاتھ سے جیت چھین لی۔

ہندوستھان سماچار

ہندوستان سماچار / Mohammad Khan