نئی دہلی، 14 اگست (ہ س)۔

قومی انسانی حقوق کمیشن (این ایچ آر سی) نے مرکزی ریزرو پولیس فورس (سی آر پی ایف) کے جوانوں میں خودکشی کے بڑھتے واقعات کا ازخود نوٹس لیا ہے۔ کمیشن نے وزارت داخلہ کے سکریٹری اور سی آر پی ایف کے ڈائریکٹر جنرل کو نوٹس جاری کرتے ہوئے دو ہفتوں کے اندر تفصیلی رپورٹ طلب کی ہے۔

سرکاری اعداد و شمار کے مطابق رواں سال جنوری سے 22 مئی 2026 کے درمیان پانچ ماہ سے بھی کم عرصے میں سی آر پی ایف کے 19 جوانوں نے خودکشی کی۔

رپورٹس کے مطابق سی آر پی ایف میں 2025 کے دوران خودکشی کے 59 واقعات درج کیے گئے، جو گزشتہ پانچ برسوں میں سب سے زیادہ تعداد ہے۔ اعداد و شمار کے مطابق گزشتہ پانچ برسوں کے دوران مجموعی طور پر 281 سی آر پی ایف جوانوں نے خودکشی کی، جن میں تقریباً 216 جوان ڈیوٹی پر تعینات تھے۔

قومی انسانی حقوق کمیشن نے ان واقعات کو سنجیدگی سے لیتے ہوئے متعلقہ حکام سے تفصیلی معلومات طلب کی ہیں۔ کمیشن کی جانب سے جاری نوٹس میں واقعات کی وجوہات اور جوانوں کی فلاح و بہبود سے متعلق اقدامات کی تفصیلات بھی طلب کیے جانے کا امکان ہے۔

ہندوستھان سماچار

ہندوستان سماچار / Mohammad Khan