نئی دہلی، 13 اگست (ہ س)۔ سپریم کورٹ نے فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اے آئی) کو زیادہ چینی، نمک اور وافر چکنائی والے پیک شدہ کھانوں پر انتباہی لیبل لگانے کے عمل کی مخالفت کرنے پر سرزنش کی ہے۔ جسٹس جے بی پارڈی والا کی سربراہی میں بنچ نے کہا کہ اگر آپ ایسا نہیں کرتے تو ہم کریں گے۔

سماعت کے دوران، ایف ایس ایس اے آئی نے عدالت کے حکم پر عمل کرنے کے بجائے، تمام پیکجوں پر چینی، نمک اور چکنائی کی روزانہ تجویز کردہ مقدار کی وکالت کی۔ اس سے عدالت ناراض ہوئی، جس نے کہا کہ اس نے فروری میں جو کچھ کہا تھا وہ محض ایک تجویز نہیں تھا، بلکہ ایک حکم تھا۔ عدالت نے ایف ایس ایس اے آئی کو ہدایت دی کہ وہ دو ہفتوں کے اندر اس کی تجویز پر سنجیدگی سے غور کرے۔ عدالت نے مرکزی حکومت کی اس دلیل کو بھی مسترد کر دیا کہ ہندوستان میں بین الاقوامی معیارات کو لاگو نہیں کیا جا سکتا۔

سماعت کے دوران، عدالت نے مرکزی حکومت اور ایف ایس ایس اے آئی سے کہا کہ یہ معاملہ شہریوں، خاص طور پر عمر رسیدہ بچوں سے متعلق ہے اور اس سے متعلق فیصلوں کو کارپوریٹ گھرانوں کے دباو¿ سے متاثر نہیں ہونا چاہیے۔ عدالت نے سوال کیا کہ کیا آپ نہیں چاہتے کہ اس ملک کے لوگ صحت مند ہوں؟

ہندوستھان سماچار

---------------

ہندوستان سماچار / عبدالسلام صدیقی