بھوپال، 13 اگست (ہ س)۔ مدھیہ پردیش کے مغربی حصے میں اچھی بارش کرانے کے بعد مانسون کا مضبوط نظام اب مشرقی حصے کی طرف بڑھ رہا ہے۔ جمعہ سے جبل پور، ریوا اور شہڈول ڈویژن کے اضلاع میں تین دن تک شدید بارش کا سلسلہ جاری رہنے کا الرٹ جاری کیا گیا ہے۔ اس سے پہلے جمعرات کو شیوپوری اور شیوپور میں تیز بارش کی وارننگ ہے۔ ان دونوں اضلاع میں اگلے 24 گھنٹوں کے دوران 4 انچ یا اس سے زیادہ بارش ہو سکتی ہے۔

محکمہ موسمیات کے مطابق جمعرات کو بھوپال، رائسین، سیہور، راج گڑھ، ودیشا، اندور، دھار، علی راج پور، برہان پور، بڑوانی، کھنڈوا، کھرگون، جھابوا، اجین، نیمچ، آگر-مالوا، مندسور، شاجاپور، دیواس، رتلام، نرمدا پورم، بیتول، ہردا، گوالیار، گنا، دتیا، اشوک نگر، مرینا، بھنڈ، جبل پور، کٹنی، چھندواڑہ، سیونی، نرسنگھ پور، بالا گھاٹ، منڈلا، ڈنڈوری، پانڈھرنا، ریوا، ستنا، سیدھی، سنگرولی، مئو گنج، میہر، شہڈول، امریا، انوپ پور، ساگر، پنا، دموہ، چھترپور، ٹیکم گڑھ اور نیواڑی میں کہیں تیز تو کہیں ہلکی بارش ہونے کا امکان ہے۔

گزشتہ 24 گھنٹوں میں کھرگون میں ریاست میں سب سے زیادہ 8.1 انچ بارش درج کی گئی۔ کھنڈوا میں 5.5 انچ اور گنا میں 4.6 انچ پانی گرا۔ دارالحکومت بھوپال میں 70.6 ملی میٹر یعنی 2.8 انچ بارش ریکارڈ ہوئی۔ دھار، راج گڑھ، شیوپوری، دتیا، اجین، سیدھی اور اندور سمیت ریاست کے آدھے سے زیادہ حصوں میں بھی تیز بارش ہوئی۔

محکمہ موسمیات کے مطابق ریاست میں لو پریشر ایریا اور مانسون ٹرف سرگرم ہے۔ اس کے علاوہ جنوبی حصے سے ایک ٹرف گزر رہی ہے۔ ان سسٹمز کے اثر سے ریاست میں گزشتہ 48 گھنٹوں سے بارش کا سلسلہ جاری ہے اور جمعرات کو بھی اس کا اثر برقرار رہے گا۔ آنے والے دنوں میں ایک اور لو پریشر ایریا سرگرم ہونے والا ہے۔ اس کا زیادہ اثر مدھیہ پردیش کے مشرقی حصے میں دکھائی دے گا۔ اسی کے باعث جمعہ سے جبل پور، ریوا اور شہڈول ڈویژن میں شدید بارش کا سلسلہ شروع ہونے کا امکان ہے۔

ریاست کے مشرقی حصے میں آنے والے جبل پور، ریوا، ساگر اور شہڈول ڈویژن میں اب تک 19 فیصد تک کم بارش ہوئی ہے۔ بالا گھاٹ، چھترپور، چھندواڑہ، دمووہ، ڈنڈوری، جبل پور، کٹنی، میہر، منڈلا، مئو گنج، نرسنگھ پور، نیواڑی، پانڈھرنا، پنا، ریوا، ساگر، ستنا، سیونی، شہڈول، سیدھی، سنگرولی، ٹیکم گڑھ اور امریا میں اوسط سے 5 فیصد سے 52 فیصد تک کم پانی گرا ہے۔

وہیں مغربی حصے کے آگر-مالوا، علی راج پور، اشوک نگر، بیتول، دتیا، دھار، ہردا، اندور، جھابوا، مرینا، مندسور، نرمدا پورم، نی مچ، رائے سین، رتلام، شاجاپور، شیوپور، شیوپوری، اجین اور ودیشا میں اوسط سے 4 فیصد سے 46 فیصد تک کم بارش درج کی گئی ہے۔ ریاست کے صرف 12 اضلاع میں اب تک معمول سے زیادہ بارش ہوئی ہے۔ ان میں بھوپال، گنا، سیہور، راج گڑھ، گوالیار، انوپ پور، بھنڈ، برہان پور، دیواس، بڑوانی، کھنڈوا اور کھرگون شامل ہیں۔

ہندوستھان سماچار

---------------

ہندوستان سماچار / انظر حسن