نئی دہلی، 13 اگست (ہ س)۔ دہلی کے سابق وزیر اعلی اروند کیجریوال اور سابق نائب وزیر اعلی منیش سسودیا نے دہلی ایکسائز گھوٹالہ معاملہ میں ٹرائل کورٹ سے بری ہونے کے حکم کو چیلنج کرنے والی سنٹرل بیورو آف انویسٹی گیشن (سی بی آئی) کی عرضی کی مخالفت کی ہے۔ کیجریوال اور سسودیا نے کہا ہے کہ سی بی آئی کی عرضی قابل قبول نہیں ہے۔ اس معاملے کی سماعت جسٹس منوج جین 18 اگست کو کریں گے۔

کیجریوال اور سسودیا نے کہا ہے کہ سی بی آئی کی عرضی ٹرائل کورٹ کے فیصلے کے صرف چار گھنٹے بعد دائر کی گئی تھی۔ یہ درخواست بے حد جلد بازی میں دائر کی گئی تھی، جس سے غیر سنجیدگی ظاہر ہوتی ہے۔ کیجریوال اور سسودیا نے کہا ہے کہ سی بی آئی کی درخواست میں ٹرائل کورٹ کے فیصلے میں کسی غلطی کا ذکر نہیں ہے۔ ایسی صورت حال میں سی بی آئی کی عرضی قابل سماعت کیسے ہو سکتی ہے؟

ہائی کورٹ نے 16 جولائی کو کیجریوال، منیش سسودیا اور درگیش پاٹھک کو سی بی آئی کی عرضی پر اپنا جواب داخل کرنے کا آخری موقع دیا تھا۔ یہ معاملہ جسٹس منوج جین کے سامنے جسٹس سورن کانتا شرما کی بنچ کے سامنے درج کیا گیا تھا۔

راو¿ز ایونیو عدالت نے 27 فروری کو تمام ملزموں کو بری کرنے کا حکم دیا تھا۔ راو¿ز ایونیو کورٹ نے کہا تھا کہ چارج شیٹ میں کئی تضادات ہیں۔ عدالت نے کہا تھاکہ ہزاروں صفحات میں پیش کی گئی چارج شیٹ میں پیش کردہ حقائق گواہوں کے بیانات سے میل نہیں کھاتے۔ راو¿ز ایونیو عدالت نے کہا تھا کہ منیش سسودیا اس معاملے میں تقریبا 530 دن تک جیل میں رہے۔ اروند کیجریوال نے دو مدتوں میں 156 دن جیل میں گزارے۔ اروند کیجریوال کو سپریم کورٹ کی جانب سے سی بی آئی معاملہ میں ضمانت ملنے کے بعد 13 ستمبر 2024 کو رہا کیا گیا تھا۔

ہندوستھان سماچار

---------------

ہندوستان سماچار / عبدالسلام صدیقی