علی گڑھ, 13 اگست (ہ س)۔

یوم آزادی کی مناسبت سے علی گڑھ مسلم یونیورسٹی (اے ایم یو) کے عبداللہ اسکول میں پہلی جماعت سے پانچویں جماعت تک کے طلبہ کے لیے مختلف تخلیقی سرگرمیوں کا اہتمام حب الوطنی کے جذبے کے ساتھ کیا گیا۔

نعرہ نویسی اور پوسٹر سازی کے مقابلے میں بچوں نے حب الوطنی، اتحاد، آزادی اور قومی وقار جیسے موضوعات کے ذریعہ ملک سے اپنی محبت کا اظہار کیا۔ طلبہ نے قومی پرچم، مجاہدین آزادی اور ہندوستان کے مستقبل کے حوالے سے اپنے تصورات کی عکاسی کرتے ہوئے رنگ برنگے پوسٹر تیار کیے۔ سپرنٹنڈنٹ محترمہ عُمرہ ظہیر نے طلبہ سے خطاب کرتے ہوئے یومِ آزادی کی اہمیت اور مجاہدین آزادی کی قربانیوں پر روشنی ڈالی اور انہیں ذمہ دار شہری بننے کی ترغیب دی۔

---------------

ہندوستان سماچار / سید کامران علی گڑھ