نئی دہلی، 13 اگست(ہ س)۔ لوک سبھا اسپیکر اوم برلا اور مرکزی وزیر داخلہ و امداد باہمی امت شاہ سمیت کئی لیڈروں نے جمعرات کو اہلیابائی ہولکر کو ان کی برسی پر خراج عقیدت پیش کیا۔ برلا نے سابق لوک سبھا اسپیکر سومناتھ چٹرجی کو بھی یاد کیا۔ انہوں نے چٹرجی کوبھی ان کی برسی پر خراج عقیدت پیش کیا۔

برلا نے ایکس پر لکھا، لوک ماتا اہلیابائی ہولکر کی برسی پر، میں انہیں خراج عقیدت پیش کرتا ہوں۔ اہلیابائی نے اپنے دور حکومت میں کسانوں، کاریگروں، تاجروں اور عام شہریوں کے مفادات کو ترجیح دی اور ساتھ ہی مالوا میں تجارت، زراعت اور مقامی معیشت کو فروغ دیا۔ ان کی حکمرانی عوامی فلاح و بہبود، اچھی حکمرانی اور عوامی خدمت کی ایک بہترین مثال ہے۔ مذہب اور ثقافت کے تحفظ کے ساتھ ساتھ، انہوں نے ملک کے کئی بڑے تیرتھ گاہوں پر مندروں، گھاٹوں، کنوو¿ں، سیڑھی والے کنوو¿ں اور آرام گاہوں کی تعمیر اور بحالی میں نمایاں کردار ادا کیا۔ ان کی کوششوں کا وسیع اثر آج بھی ہندوستان کے ثقافتی ورثے میں نظر آتا ہے۔ لوک ماتا کے عظیم تعاون اور وراثت کے اعزاز میں پارلیمنٹ لائبریری بلڈنگ کے صحن میں نصب ان کا یہ مجسمہ نہ صرف ایک عظیم ہیروئن کی یاد ہے بلکہ ہندوستان کی بھرپور ثقافتی روایات، عوامی فلاح و بہبود کے جذبے اور عوامی خدمت کے نظریات کی علامت بھی ہے۔ سومناتھ چٹرجی کی عوامی زندگی کو ان کی گہری قانون سازی کی سمجھ، پارلیمانی روایات سے وابستگی اور جمہوری اداروں کو مستحکم کرنے کی مسلسل کوششوں کے لیے ہمیشہ یاد رکھا جائے گا۔

امت شاہ نے کہا کہ لوک ماتا نے مندروں کی تزئین و آرائش اور تعمیر نو، تیرتھ گاہوں کی ترقی اور ثقافتی ورثے کے تحفظ اور بحالی میں بے مثال تعاون کیا۔ خواتین کی تعلیم اور بیواو¿ں کی دوبارہ شادی کو فروغ دے کر اہلیہ بائی ہولکر نے خواتین کو بااختیار بنایا اور عوامی فلاح و بہبود، انصاف اور اچھی حکمرانی کی ایک مثال قائم کی۔ ان کی زندگی دھرم، ثقافت، عوامی خدمت اور قومی مفاد کے لیے لگن کی ایکبہترین مثال ہے۔ وزیر دفاع راج ناتھ سنگھ نے کہا کہ ان کی زندگی مذہب، ثقافت، عوامی خدمت اور قومی مفاد کے تئیں عقیدت کی مثال ہے۔

زراعت اور کسانوں کی بہبود کے مرکزی وزیر شیوراج سنگھ چوہان نے کہا کہ اہلیابائی ہولکر سناتن شعور کی ابدی علامت اور بھگوان شیو کی ایک پرجوش عقیدت مند ناری شکتی کا مجسمہ تھیں۔ لوک ماتا نے اپنی زندگی اور حکمرانی میں ابدی اقدار کو اپنایا اور معاشرے کو دھرم، انصاف اور ہمدردی کی راہ پر گامزن کیا۔ ان کی طرف سے قائم کردہ مثالی انتظامی نظام کی بنیاد آج بھی 'ایک بھارت-شریشٹھ بھارت' کی تعمیر کے سفر کو نئی سمت دے رہی ہے۔ ہندوستان کے ثقافتی ورثے کی بحالی اور عوامی فلاح و بہبود کے لیے ان کے کام کو ہمیشہ یاد رکھا جائے گا ۔

ٹیکسٹائل کے مرکزی وزیر گری راج سنگھ نے کہا کہ اہلیہ بائی ہولکر قربانی، کفایت شعاری اور اچھی حکمرانی کا ایک بہترین مجسمہ تھیں۔ انہوں نے دھرم، انصاف اور ہمدردی کے مقدس دھارے کے ساتھ حکومت کی اور پوری دنیا کو روشن کیا۔

ہندوستھان سماچار

---------------

ہندوستان سماچار / عبدالسلام صدیقی