علی گڑھ, 12 اگست (ہ س): اتر پردیش کے معزز ریاستی اطلاعاتی کمشنر محمد ندیم 13 اگست کو صبح 11 بجے کلکٹریٹ کے اجلاس ہال میں اطلاعات کا حق قانون 2005 کے تحت مختلف محکموں سے متعلق کمیشن میں زیر التوا دوسری اپیلوں اور شکایات کے جلد از جلد نمٹارے کے سلسلے میں جائزہ میٹنگ کریں گے۔ اجلاس میں زیر التوا معاملات کے تصفیے کی پیش رفت کا جائزہ لیتے ہوئے متعلقہ افسران کو ضروری ہدایات دی جائیں گی۔

ریاستی اطلاعاتی کمشنر دوپہر تقریباً 1:30 بجے کلکٹریٹ اجلاس ہال میں پریس کانفرنس بھی کریں گے۔ پریس کانفرنس کے بعد وہ کسی ایک ترقیاتی بلاک اور تحصیل کا معائنہ کریں گے۔

طے شدہ پروگرام کے مطابق جناب محمد ندیم 14 اگست کو صبح 11:30 بجے علی گڑھ سرکٹ ہاؤس سے سڑک کے راستے لکھنؤ کے لیے روانہ ہوں گے۔

ہندوستھان سماچار

---------------

ہندوستان سماچار / سید کامران علی گڑھ