لکھنؤ، 12 اگست (ہ س)۔ اتر پردیش کے لکھنؤ ضلع میں امیرالدولہ پبلک لائبریری میں بدھ کو قومی لائبریرین ڈے منایا گیا۔ یہ دن ہندوستان میں لائبریری سائنس کے بانی پدم شری پروفیسر ایس آر رنگناتھن کی 134ویں یومِ پیدائش کے موقع پر منایا گیا۔ اس موقع پر لائبریری کے لان میں ’’خاموش مطالعاتی سیشن‘‘ کا انعقاد کیا گیا۔

عام لوگوں میں مطالعے کی عادت کو فروغ دینے کے لیے ہر اتوار کو لائبریری کے احاطے میں واقع لان میں ’’سائلنٹ ریڈنگ سیشن‘‘ منعقد کیا گیا۔ لائبریری کے دی بک مارک کیفے ٹیریا میں ہندی اور انگریزی کے ناول، کہانیوں اور ادب کی کتابیں دستیاب ہیں۔ قارئین اپنی کتاب یا رسالہ بھی ساتھ لا سکتے ہیں۔ آج کے ریڈنگ سیشن میں ریٹائرڈ آئی پی ایس افسر کرن یادو موجود رہیں۔ پروگرام کا آغاز ان کی جانب سے ڈاکٹر ایس آر رنگناتھن کی تصویر پر گل پوشی کرکے کیا گیا۔

اس موقع پر امیرالدولہ پبلک لائبریری کی لائبریرین سپریا شرما نے اپنے خطاب میں کہا کہ آج کل قارئین کی دلچسپی ڈیجیٹل مطالعے کی جانب بڑھ گئی ہے۔ ’’سائلنٹ ریڈنگ سیشن سے قارئین میں کتابیں پڑھنے کے رجحان میں اضافہ ہوگا۔‘‘

پروگرام میں خاص طور پر سپریا شرما، ڈاکٹر گورو کمار جیسوال، رمیش چندر، ہریش چندر، رام کرن، تیسرے درجے کے ملازمین، ایم ٹی ایس اسٹاف، لائبریری کے اراکین، طلبہ اور دیگر افراد شامل رہے۔

ہندوستھان سماچار

---------------

ہندوستان سماچار / عبدالواحد