سرینگر، 12 اگست: (ہ س) ریاستی تحقیقاتی ایجنسی (ایس آئی اے) کشمیر نے بدھ کو جموں و کشمیر میں 1990 کے دوہرے قتل کے ایک کیس کے سلسلے میں نو مقامات پر تلاشی لی۔ یہ تلاشیاں اننت ناگ ضلع کے پولیس اسٹیشن ڈورو میں درج ایف آئی آر نمبر 45/1990 کے سلسلے میں کی گئیں۔ یہ کیس 1990 میں ڈورو کے علاقے میں دو افراد کے قتل سے متعلق ہے اور اب اس کی تحقیقات ایس آئی اے کر رہی ہے۔ عہدیداروں نے بتایا کہ یہ چھاپے مشتبہ افراد کے ٹھکانوں اور دیگر مقامات پر کئے گئے جن کے بارے میں خیال کیا جاتا ہے کہ وہ اس کیس سے منسلک ہیں۔ اس کا مقصد شواہد، دستاویزات اور دیگر مواد اکٹھا کرنا تھا جس سے ملزمان کا سراغ لگانے اور واقعات کی ترتیب قائم کرنے میں مدد مل سکے۔ ایس آئی اے جو دہشت گردی سے متعلق کئی پرانے مقدمات کی دوبارہ تحقیقات کر رہی ہے، نے کہا کہ تازہ تلاشیاں 1990 کی دہائی سے زیر التواء مقدمات کو بند کرنے کی اس کی کوششوں کا حصہ ہیں۔ تلاشی کے دوران کی گئی بازیابیوں کے حوالے سے مزید تفصیلات کا انتظار ہے۔ہندوستھان سماچار

ہندوستان سماچار / Aftab Ahmad Mir