نئی دہلی، 12 اگست (ہ س) ۔وزیر اعظم میوزیم اور لائبریری (پی ایم ایم ایل) نے بدھ کے روز اپنا نیا مربوط پورٹل لانچ کیا۔ نئے پورٹل کے ذریعے پی ایم ایم ایل سے متعلق مختلف ڈیجیٹل خدمات اور ویب سائٹس کو ایک پلیٹ فارم پر لایا گیا ہے۔ اسے شہریوں، محققین اور دیگر صارفین کے لیے ایک زیادہ قابل رسائی اور جدید ڈیجیٹل پلیٹ فارم کے طور پر تیار کیا گیا ہے۔

پی ایم ایم ایل کی طرف سے فراہم کردہ معلومات کے مطابق، نیا پورٹل پہلے سے دستیاب مختلف ویب سائٹس اور ڈیجیٹل خدمات کو ایک ساتھ جوڑتا ہے۔ اس کا مقصد صارفین کو مختلف ویب سائٹس پر جانے کی ضرورت کو کم کرنا اور وزیر اعظم کے عجائب گھر اور لائبریری سے وابستہ مواد، خدمات اور آرکائیو وسائل تک آسان رسائی فراہم کرنا ہے۔

پورٹل میں موبائل دوست ڈیزائن ہے اور یہ تمام شہریوں کے لیے قابل رسائی ہے۔ اس میں انٹیلیجنٹ اسسٹنٹ، اسمارٹ سرچ اینڈ اینالیٹکس اور واقعات کے بارے میں معلومات، ٹکٹ مینجمنٹ، ڈاو¿ن لوڈ ریپوزیٹریز اور فوٹو اور ویڈیو گیلریاں جیسی خصوصیات شامل ہیں۔

نئے پورٹل میں ایک متحرک مواد کے انتظام کا نظام بھی ہے۔ اس کے علاوہ اے آئی پر مبنی چیٹ بوٹ بھی شامل کیا گیا ہے، جسے جلد ہی لانچ کیا جائے گا۔ یہ چیٹ بوٹ شہریوں کو معلومات فراہم کرنے اور ان سے رائے لینے میں مدد کرے گا۔ پورٹل میں آٹو آرکائیونگ ورک فلوز،انٹیلیجنٹ کنٹینٹ ڈسکوری اور ریئل ٹائم انگیجمنٹ ڈیش بورڈ کی سہولیات بھی شامل ہے۔

پی ایم ایم ایل کے مطابق پورٹل کو جدید تکنیکی انتظامات پر ڈیزائن کیا گیا ہے۔ یہ جی آئی جی ڈبلیو اور ڈبلیو سی اے جی رسائی کے معیارات اور سی ای آر ٹی-ان کے حفاظتی معیارات کے مطابق ہے۔ اس میں انفرادی صارفین کے لیے رول پر مبنی رسائی کنٹرول اور جامع آڈٹ ٹریلز بھی شامل ہیں۔

پورٹل کا آغاز کرتے ہوئے پی ایم ایم ایل کے ڈائریکٹر اشونی لوہانی نے کہا کہ نیا پی ایم ایم ایل پورٹل قابل رسائی اور مستقبل کے لیے تیار ڈیجیٹل عوامی خدمات کے تئیں ادارے کے عزم کی عکاسی کرتا ہے۔ انہوں نے کہا کہ اس کا مقصد ہندوستان کے بھرپور سیاسی اور ثقافتی ورثے کو محفوظ رکھنے کے ساتھ ساتھ اسے دنیا بھر کے شہریوں اور محققین کے لیے دستیاب کرانا ہے۔

ہندوستھان سماچار

---------------

ہندوستان سماچار / عبدالسلام صدیقی