پلوڑہ اکھنور روڈ پر ہٹ اینڈ رن معاملے کی سی سی ٹی وی کے باوجود بھی ملزم فرار

جموں، 12 اگست (ہ س)۔ جموں کے پلوڑہ اکھنور روڈ پر 10 اگست کو پیش آئے ہٹ اینڈ رن حادثے میں باپ بیٹی شدید زخمی ہوگئے، جبکہ حادثے کے بعد کار ڈرائیور موقع سے فرار ہوگیا۔ واقعے کو تین روز گزرنے کے باوجود مبینہ طور پر گاڑی اور ڈرائیور کا سراغ نہیں لگایا جا سکا ہے۔

معلومات کے مطابق گوپال کرشن شرما اپنی بیٹی ایکتا شرما کے ہمراہ اسکوٹی پر مٹھی میں واقع اپنے گھر جا رہے تھے کہ پلوڑہ کے قریب ایک کار نے ان کے اسکوٹر کو پیچھے سے ٹکر مار دی۔ حادثے کے بعد کار سوار موقع سے فرار ہوگیا۔

حادثے میں دونوں باپ بیٹی زخمی ہوگئے، جنہیں فوری طور پر علاج کے لیے جی ایم سی جموں منتقل کیا گیا۔ بعد ازاں دونوں کو مزید علاج کے لیے امندیپ اسپتال، امرتسر منتقل کیا گیا۔ بتایا گیا ہے کہ گوپال کرشن شرما کو جسم کے تین مقامات پر فریکچر ہوئے ہیں، جبکہ ایکتا شرما بھی زخمی ہے اور زیر علاج ہے۔

حادثے کی سی سی ٹی وی فوٹیج پولیس کو دستیاب ہے اور اس سلسلے میں مقدمہ بھی درج کیا گیا ہے، تاہم اہل خانہ کے مطابق تین روز گزرنے کے باوجود حادثے میں ملوث گاڑی اور ڈرائیور کا سراغ نہیں لگایا جا سکا۔متاثرہ خاندان نے پولیس اور عوام سے اپیل کی ہے کہ سی سی ٹی وی فوٹیج کی بنیاد پر گاڑی اور ڈرائیور کی شناخت میں مدد کی جائے تاکہ ذمہ دار شخص کو گرفتار کرکے قانون کے مطابق کارروائی عمل میں لائی جا سکے۔

ہندوستھان سماچار

---------------

ہندوستان سماچار / محمد اصغر