نئی دہلی، 12 اگست (ہ س)۔ دہلی ہائی کورٹ فلمی اداکارہ خوشی کپور کے خلاف قابل اعتراض آن لائن مواد کو ہٹانے کا حکم دے گی۔ عدالت نے اس کے لیے یو آر ایل کی فہرست طلب کی ہے۔ جسٹس جیوتی سنگھ کی بنچ نے آج خوشی کپور کی عرضی پر سماعت کرتے ہوئے یہ حکم دیا۔

سماعت کے دوران خوشی کپور کے وکیل آشو راجن نے کہا کہ درخواست گزار ہندی فلموں کی اداکارہ ہیں اور وہ فیشن آئیکون ہیں۔ عدالت نے درخواست گزار سے جواب دہندہ کے لحاظ سے یو آر ایل کی فہرست دینے کو کہا۔ راجن نے عدالت کو فہرست فراہم کی۔ اس دوران، میٹا کے وکیل نے کہا کہ اس فہرست میں بہت سے فین پیجز ہیں۔ وہ جعلی اکاونٹ نہیں ہیں۔

اس سے قبل ہائی کورٹ نے کئی مشہور شخصیات کے شخصیت کے حقوق کے تحفظ کا حکم دیا ہے۔ ان میں اداکار جانہوی کپور، تبو، کرکٹرز یوراج سنگھ اور ابھیشیک شرما، فلم اداکار اور ایم پی روی کشن، کانگریس لیڈر ششی تھرور، اداکار ارجن کپور، تیلگو اداکار الو ارجن، کتھاکار انیرودھاچاریہ، ملیالم اداکار موہن لال، ہندوستانی کرکٹ ٹیم کے ہیڈ کوچ اور سابق ایم پی گوتم گمبھیر، پتنجلی آیوروید کے آچاریہ بال کرشنا، فلم اداکارہ سوناکشی سنہا، بابا رام دیو، فلم اداکارہ کاجول، فلم اداکار وویک اوبرائے، آندھرا پردیش کے نائب وزیر اعلی پون کلیان، سابق کرکٹر سنیل گواسکر، فلم اداکار سلمان خان، اداکار اجے دیوگن، اداکارہ اور ایم پی جیا بچن، صحافی سدھیر چودھری، آرٹ آف لیونگ فاو¿نڈیشن کے بانی سری سری روی شنکر، تیلگو اداکار ناگارجن، اداکارہ ایشوریا رائے، ابھیشیک بچن اور فلم پروڈیوسر کرن جوہر شامل ہیں۔

ہندوستان سماچار

---------------

ہندوستان سماچار / عبدالسلام صدیقی