پونچھ کے مینڈھر سیکٹر میں مشتبہ نقل و حرکت کے بعد سرچ آپریشن شروع
جموں، 11 اگست (ہ س)۔ جموں و کشمیر کے ضلع پونچھ کے مینڈھر سیکٹر میں مشتبہ نقل و حرکت کی اطلاع کے بعد منگل کی صبح سیکورٹی فورسز نے جنگلاتی علاقوں میں وسیع پیمانے پر مشترکہ تلاشی مہم شروع کی۔ حکام کے مطابق زیر تعمیر ایک سرنگ کے قریب تعینات سیکورٹی گارڈ نے مشتبہ نقل و حرکت دیکھی، جس کے بعد احتیاطی طور پر تین سے چار فائر کیے گئے۔ تاہم واقعے میں کسی جانی نقصان یا املاک کو نقصان پہنچنے کی اطلاع نہیں ہے۔
حکام نے بتایا کہ واقعے کے بعد پولیس،اسپیشل آپریشن گروپ اور سنٹرل ریزرو پولیس فورس کے اہلکاروں نے صبح تقریباً چھ بجے بھٹادوریان، سنگیوٹ اور ملحقہ جنگلاتی علاقوں میں مشترکہ تلاشی مہم شروع کی۔ سیکورٹی فورسز کی جانب سے علاقے کے مختلف مقامات کی تلاشی لی جا رہی ہے، جبکہ مزید تفصیلات کا انتظار ہے۔
ہندوستھان سماچار
--------------
ہندوستان سماچار / محمد اصغر
