نئی دہلی، 11 اگست(ہ س)۔ مرکزی حکومت نے منگل کو منعقدہ 11 ویں ضلع کلکٹر پینے کے پانی کے مکالمے میں جل جیون مشن 2.0 کے تیزی سے نفاذ، پانی کے تحفظ کو فروغ دینے اور دیہی پانی کی فراہمی کو پائیدار بنانے پر زور دیا۔ میٹنگ میں 'سجلم شکتی' روڈ میپ پیش کیا گیا اور چار اضلاع اتر کنڑ (کرناٹک)، کھوائی (تریپورہ)، دیدوانا کچامن (راجستھان) اور چترا (جھارکھنڈ) نے اپنی اختراعات کا اشتراک کیا۔ ان میں وسائل کی پائیداری، شکایات کے ازالے، طرز عمل میں تبدیلی اور کمیونٹی کی شمولیت جیسے اقدامات شامل تھے۔
اس میٹنگ کا اہتمام محکمہ پینے کے پانی اور صفائی ستھرائی نے ویڈیو کانفرنسنگ کے ذریعے کیا تھا۔ اس میں سکریٹری اشوک کے کے مینا، قومی جل جیون مشن کے مشن ڈائریکٹر کمل کشور سون، سینئر افسران، ضلع کلکٹروں، ضلع مجسٹریٹوں اور ڈپٹی کمشنروں نے شرکت کی۔
سکریٹری مینا نے اضلاع سے کہا کہ وہ باقاعدگی سے ماہانہ میٹنگیں کریں اور اپنی کارروائی کو پورٹل پر اپ لوڈ کریں۔ انہوں نے اپیل کی کہ 'کیچ دی رین واٹر ہارویسٹنگ جن بھاگیداری' مہم کو گرام پنچایتوں، سیلف ہیلپ گروپوں، اسکولوں اور کالجوں تک فعال طور پر لے جائیں۔ اب تک ملک کے 2 لاکھ سے زیادہ گاو¿ں اور 1 لاکھ سے زیادہ گرام پنچایتوں کو 'ہر گھر جل' کی سند دی جا چکی ہے۔
میٹنگ میں مشترکہ اختراعات میں اتر کنڑ جھیلوں اور کنوو¿ں کی نقشہ سازی کرکے پانی کی حفاظت کا ایک طویل مدتی منصوبہ تیار کرنا، کھوائی اسکول واٹر کلبوں اور خواتین کو پانی کے معیار کی جانچ میں تربیت دینا، فلورائڈ اور نمکیات کے مسائل سے نمٹنے کے لیے سطحی پانی پر مبنی سپلائی سسٹم اور روایتی ڈھانچے کو بحال کرنا اور شکایات کو تیزی سے حل کرنے کے لیے 'پینے کے پانی کے مسئلے کا ازالہ پکھواڑا' شامل ہیں۔
مشن کے ڈائریکٹر سون نے اضلاع سے کہا کہ وہ اعداد و شمار پر مبنی فیصلے کریں، ضلعی تکنیکی اکائیوں کو مضبوط کریں اور خواتین کو تربیت دے کر مقامی تکنیکی صلاحیت میں اضافہ کریں۔ انہوں نے کہا کہ ان اختراعات سے ہر گھر جل 'کے ہدف کو تیزی سے حاصل کرنے میں مدد ملے گی۔
ہندوستھان سماچار
---------------
ہندوستان سماچار / عبدالسلام صدیقی
