منگل صبح کی بارش نے جموں میونسپل کارپوریشن اور جموں اسمارٹ سٹی کے دعووں کی قلعی کھول دی

سرینگر، 11 اگست (ہ س)۔ ریاست جموں و کشمیر میں ان دنوں رک رک کر زوردار بارش کا سلسلہ جاری ہے۔ اس دوران آج صبح ہوئی موسلادھار بارش نے جموں میونسپل کارپوریشن اور جموں اسمارٹ سٹی، دونوں کی خامیوں کو بے نقاب کر دیا ہے۔ نہ ہی جموں میونسپل کارپوریشن اور نہ ہی جموں اسمارٹ سٹی نے بارش کے بعد پانی کی نکاسی کا کوئی انتظام کیا ہے۔ دونوں بڑے منصوبوں کے بارے میں بات کرتے تو ہیں لیکن زمینی سطح پر، وہ کچھ بھی نہیں کر رہے ہیں۔ جب بھی بارش ہوتی ہے تو سڑکوں اور محلوں کی گلیوں میں پانی جمع ہوجاتا ہے۔ بارش کے پانی نے کئ علاقوں کوسوئمنگ پول میں تبدیل کردیا ہے جس سے لوگوں کو گھروں سے باہر نکلنے میں شدید مشکلات کا سامنا ہے۔ لوگ روزمرہ کی ضروریات کے حصول کے لیے اپنے گھروں سے نہیں نکل سکتے کیونکہ ان کے گھروں کے بالکل سامنے سوئمنگ پول جیسے حالات ہوتے ہیں۔ دریں اثنا، ضلع جموں کے وارڈ نمبر 32 کے سینی محلہ میں، وہاں کی گلیوں میں پانی بھرا ہوا ہے۔ سیوریج بنایا گیا ہے، لیکن اس کی مناسب دیکھ بھال نہیں کی جاتی ہے۔ پانی کی نکاسی کے لیے کوئی حل نہیں نکالا گیا۔ لوگ زبردست پریشانی میں مبتلا ہو چکے ہیں جبکہ متعلقہ محکموں پر کئی طرح کے سوالات کھڑے ہو رہے ہیں۔ہندوستھان سماچار

ہندوستان سماچار / Aftab Ahmad Mir