ناندیڑ، 11 اگست (ہ س): ٹیچر اپٹیٹیوڈ اینڈ انٹیلی جنس ٹیسٹ ٹی اے آئی ٹی 2025 کے تحت پوتر پورٹل کے ذریعے ہونے والی اساتذہ بھرتی کے لیے امیدواروں کی ترجیحات لاک کرنے کی آخری تاریخ 11 اگست سے بڑھا کر 13 اگست 2026 کردی گئی ہے۔ پوتر پورٹل کے ذریعے اساتذہ بھرتی کے لیے آخری تاریخ میں توسیع کا مطالبہ کیا جارہا تھا۔ امیدواروں کو پورٹل پر درخواست جمع کرانے اور ترجیحات درج کرنے کے دوران پیش آنے والی تکنیکی مشکلات اور دیگر مسائل کو مدنظر رکھتے ہوئے محکمہ اسکولی تعلیم نے آخری تاریخ میں توسیع کا فیصلہ کیا ہے۔

محکمہ اسکولی تعلیم کے مطابق ٹی اے آئی ٹی 2025 کے لیے پوتر پورٹل پر بڑی تعداد میں امیدواروں کی رسائی کے باعث ویب سائٹ پر بوجھ بڑھ گیا ہے، جس سے بعض امیدواروں کو تکنیکی دشواریوں کا سامنا کرنا پڑ رہا ہے۔ امیدواروں کو مزید وقت دینے اور ترجیحات لاک کرنے میں کسی قسم کی پریشانی سے بچانے کے لیے آخری تاریخ میں دو دن کی توسیع کی گئی ہے۔محکمہ اسکولی تعلیم نے امیدواروں سے اپیل کی ہے کہ وہ توسیع شدہ مدت کے دوران ترجیحات لاک کرنے کا عمل مکمل کرلیں۔ امیدواروں کو مشورہ دیا گیا ہے کہ آخری وقت کا انتظار کرنے کے بجائے مقررہ مدت کے اندر پوتر پورٹل پر ضروری کارروائی مکمل کریں۔

ہندوستھان سماچار

--------------------

ہندوستان سماچار / جاوید این اے