نئی دہلی، 11 اگست (ہ س) ۔یوٹیوبر دھرو راٹھی کی بھگوان رام اور ماں سیتا کی مبینہ طور پر توہین کرنے والی ویڈیو پر گوگل نے ہندوستان میں پابندی لگا دی ہے۔ گوگل کی طرف سے پیش وکیل نے منگل کو دہلی ہائی کورٹ کو یہ اطلاع دی۔ جسٹس سورن کانت شرما کی بنچ نے اگلی سماعت 3 ستمبر کو کرنے کا حکم دیا۔ تاہم اس ویڈیو پر پوری دنیا میں پابندی نہیں ہے۔
سماعت کے دوران گوگل کی طرف سے پیش وکیل نے کہا کہ مرکزی حکومت کی شکایات اپیلٹ کمیٹی کے حکم کے بعد گوگل نے یوٹیوبر دھرو راٹھی کی ویڈیو پر بھگوان رام اور سیتا کی مبینہ طور پر توہین کرنے پر ہندوستان میں پابندی لگا دی ہے۔ دہلی ہائی کورٹ نے 3 جولائی کو شکایت اپیل کمیٹی کو دھرو راٹھی کے ویڈیو کو ہٹانے کے مطالبے پر 15 دن میں فیصلہ کرنے کی ہدایت کی تھی۔ اس کے بعد شکایات اپیلٹ کمیٹی نے حکم منظور کیا تھا۔
یہ عرضی وکیل امیت سچدیوا نے دائر کی تھی۔ امیت سچدیوا نے 21 مارچ کو دھرو راٹھی کی ویڈیو کو ہٹانے کی درخواست دائر کی، جس کا عنوان تھا کیا ہندو بی ای ای ایف کھا سکتے ہیں؟ کیرالہ اسٹوری 2 بے نقاب ۔ سماعت کے دوران مرکزی حکومت کی طرف سے پیش ہوئے اے ایس جی چیتن شرما نے کہا کہ دھرو راٹھی کی یہ ویڈیو ہندو دیوی دیوتاو¿ں کی توہین ہے۔ اس ویڈیو کو کوئی برداشت نہیں کر سکتا۔ چیتن شرما نے کہا کہ یا تو گوگل ویڈیو کو حذف کر دے یا تعمیل کو یقینی بنانے کے لیے عدالتی حکم جاری کیا جائے۔
ہندوستان سماچار
---------------
ہندوستان سماچار / عبدالسلام صدیقی
