علی گڑھ, 11 اگست (ہ س)علی گڑھ مسلم یونیورسٹی کی ریزیڈینشیئل کوچنگ اکیڈمی (آر سی اے) نے سول سروسز، جوڈیشیل سروسیز اور ایس ایس سی-سی جی ایل کوچنگ پروگراموں کے لیے داخلہ امتحان 9 اگست کو کامیابی کے ساتھ منعقد کیا، جس میں ملک بھر سے امیدواروں نے شرکت کی۔

یہ امتحان بیک وقت 7 مراکز، علی گڑھ، نئی دہلی، لکھنؤ، پٹنہ، سری نگر، ملاپورم اور مرشدآباد میں منعقد ہوا، جس میں جامع انتظامات کے ذریعہ منصفانہ، شفاف اور بلارکاوٹ امتحانی عمل کو یقینی بنایا گیا۔ بالخصوص کمزور طبقات سے تعلق رکھنے والے امیدواروں کے لیے مقابلہ جاتی امتحانات کی معیاری تیاری کے مواقع کو وسعت دینے کے مقصد سے اے ایم یو میں قائم ریزیڈنشیئل کوچنگ اکیڈمی، منظم کوچنگ، رہنمائی اور معاونت فراہم کرتی ہے۔

---------------

ہندوستان سماچار / سید کامران علی گڑھ