اے آئی جھارکھنڈ کے مستقبل کو بدل دے گا: حکومت نے ڈیجیٹل گورننس کا وژن پیش کیا، 1150 کروڑ سرمایہ کاری کا روڈ میپ تیار

دہلی/رانچی، 9 جولائی (ہ س)۔ جھارکھنڈ حکومت نے مصنوعی ذہانت کی بنیاد پر ریاست کو گڈ گورننس اور ڈیجیٹل اختراع کا قومی ماڈل بنانے کی سمت میں ایک بڑا قدم اٹھایا ہے۔ نئی دہلی کے ہوٹل تاج پیلس میں منعقدہ دو روزہ نیشنل اسٹیک ہولڈرز کنسلٹیشن-2026 کے دوران حکومت نے وژن-2050 اور مجوزہ جھارکھنڈ اے آئی پالیسی 2026تا31 کا تفصیلی روڈ میپ پیش کیا۔ اس کے تحت ریاست میں اگلے پانچ سالوں میں 1,150 کروڑ روپے کی سرمایہ کاری کے ساتھ اے آئی پر مبنی ڈیجیٹل ماحولیاتی نظام تیار کیا جائے گا۔

حکومت کا مقصد گورننس، تعلیم، صحت، زراعت، صنعت، کان کنی اور سول سروسز میں مصنوعی ذہانت کے وسیع پیمانے پر استعمال کو یقینی بنا کر شفاف، جوابدہ اور ڈیٹا پر مبنی طرز حکمرانی قائم کرنا ہے، جس سے سرکاری خدمات کو تیز تر، زیادہ موثر اور شہریوں کے لیے قابل رسائی بنانا ہے۔میٹنگ میں ٹیکنالوجی کمپنیوں، سٹارٹ اپس، سرمایہ کاروں اور تعلیمی اداروں سے جھارکھنڈ کی ڈیجیٹل تبدیلی کی مہم میں حصہ لینے کی اپیل کی گئی۔

---------------

ہندوستان سماچار / عبدالسلام صدیقی