احمد آباد، 4 جولائی (ہ س)۔

مانسون اب گجرات میں پوری طرح سے فعال ہو چکا ہے۔ مسلسل موسلادھار بارش سے سوراشٹرا اور جنوبی گجرات کے کئی علاقوں میں پانی بھر گیا ہے۔ 4 جولائی کی صبح 6 بجے سے شام 4 بجے تک ریاست کی 105 تحصیلوں میں بارش ریکارڈ کی گئی۔سب سے زیادہ بارش مہووا، بھاو نگر ضلع میں ہوئی، جہاں صرف دو گھنٹے میں 3 انچ سے زیادہ بارش ریکارڈ کی گئی۔

محکمہ موسمیات (آئی ایم ڈی) نے ریاست کے کئی حصوں میں 9 جولائی تک موسلادھار بارش کی وارننگ جاری کی ہے۔ 5 جولائی کو آٹھ اضلاع کے لیے ریڈ الرٹ جاری کیا گیا تھا۔ ان میں گر سومناتھ، امریلی، بھاو نگر، سورت، تاپی، ڈانگ، نوساری، اور ولساڈ شامل ہیں۔ اس کے علاوہ جوناگڑھ، راجکوٹ، بھروچ، وڈودرہ، نرمدا اور چھوٹا ادے پور کے لیے اورنج الرٹ جاری کیا گیا ہے، جب کہ پوربندر، بوٹاڈ، آنند، پنچ محل اور داہود کے لیے یلو الرٹ جاری کیا گیا ہے۔

ہندوستھان سماچار

ہندوستان سماچار / عطاءاللہ