ابتدائی کاروبار میں اتار چڑھاو کے درمیان شیئر بازار میں تیزی، سینسیکس اور نفٹی میں اضافہ

نئی دہلی، 03 جولائی (ہ س)۔ گھریلو شیئر بازار میں آج ابتدائی کاروبار کے دوران اتار چڑھاو کے درمیان تیزی کا رجحان رہا۔ کاروبار کی شروعات بھی مضبوطی کے ساتھ ہوئی۔ حالانکہ بازار کھلتے ہی فروخت کا دباو بننے کے سبب بازار کی چال میں معمولی گراوٹ بھی آئی، لیکن تھوڑی دیر بعد ہی خریداروں نے خریداری کا زور بنا دیا۔ صبح 10 بجے تک کا کاروبار ہونے کے بعد سینسیکس 0.61 فیصد اور نفٹی 0.66 فیصد کی مضبوطی کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر بازار کی سرکردہ کمپنیوں میں سے ایچ سی ایل ٹیکنالوجی، ٹاٹا اسٹیل، بجاج فنسرو، ہنڈالکو انڈسٹریز اور ڈاکٹر ریڈیز لیبارٹریز کے شیئر 3.73 فیصد سے لے کر 1.94 فیصد کی مضبوطی کے ساتھ کاروبار کر رہے تھے۔ دوسری جانب، اڈانی انٹرپرائزز، ٹی ایم پی وی، مہندرا اینڈ مہندرا، اسٹیٹ بینک آف انڈیا اور ٹیک مہندرا کے شیئر 0.48 فیصد سے لے کر 0.34 فیصد کی کمزوری کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,734 شیئروں میں ایکٹیو ٹریڈنگ ہو رہی تھی۔ ان میں سے 1,763 شیئر منافع کما کر سبز نشان میں کاروبار کر رہے تھے، جبکہ 971 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 22 شیئر خریداری کی حمایت سے سبز نشان میں برقرار تھے۔ دوسری جانب آٹھ شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 37 شیئر سبز نشان میں اور 13 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 650.22 پوائنٹس کی مضبوطی کے ساتھ 78,152.34 پوائنٹس کی سطح پر کھلا۔ کاروبار کی شروعات ہوتے ہی فروخت کا دباو بننے پر یہ انڈیکس اوپننگ لیول سے قریب 300 پوائنٹس گر کر 77,854.83 پوائنٹس کی سطح پر آ گیا۔ اس کے بعد خریداروں نے خریداری کا زور بنا دیا، جس سے اس انڈیکس کی صورتحال میں سدھار ہونے لگا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 474.30 پوائنٹس کی مضبوطی کے ساتھ 77,976.42 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 199.95 پوائنٹس کے اضافے کے ساتھ 24,375.65 پوائنٹس کی سطح سے کاروبار کی شروعات کی۔ بازار کھلتے ہی خریداروں اور فروخت کنندگان کے درمیان رسہ کشی شروع ہو گئی، جس کی وجہ سے اس انڈیکس کی چال میں بھی اتار چڑھاو ہونے لگا۔ فروخت کے دباو میں نفٹی اوپننگ لیول سے قریب 80 پوائنٹس ٹوٹ کر 24,295.15 پوائنٹس کی سطح تک گر گیا۔ وہیں خریداری کی حمایت ملنے پر اس نے 24,378.15 پوائنٹس کی سطح تک چھلانگ بھی لگائی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 160.70 پوائنٹس کی مضبوطی کے ساتھ 24,336.40 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن