دیوریا، 3 جولائی (ہ س) جمعہ کی رات ایک المناک حادثے میں، اتر پردیش کے دیوریا کے گوری بازار تھانہ علاقے میں پڑوسی کے مکان کی چاردیواری ایک شیڈ پر گر گئی۔اس حادثہ میں 45 سالہ پھولا دیوی ملبے تلے دب کر جاں بحق جبکہ تین بچے زخمی ہوگئے۔

پولس تھانہ انچارج ڈاکٹر مہیندر کے مطابق سروولی علاقے کے سنگھی (مجھگاواں) گاوں کی رہنے والی پھولا دیوی گوری بازار علاقے میں شوگر مل کے قریب اپنی بیٹی کے گھر ٹھہری ہوئی تھیں۔ جمعرات کی شام، تقریباً 7 بجے، وہ اپنے تین بچوں- چھوٹی (4)، آدتیہ (3) اور ویر (تقریباً 2.5 سال) کے ساتھ ایک شیڈ کے نیچے سو رہی تھی۔ پڑوسی کے مکان کی باونڈری وال اچانک گر کر شیڈ پر گر گئی۔

حادثے کے بعد جائے وقوعہ پر کہرام مچ گیا۔ مقامی لوگوں نے فوری طور پر ملبہ ہٹایا، سب کو باہر نکالا، اور انہیں کمیونٹی ہیلتھ سینٹر، گوری بازار پہنچایا۔ وہاں کے ڈاکٹروں نے پھولا دیوی سمیت سبھی کی حالت نازک بتائی اور پھر انہیں دیوریا میڈیکل کالج ٹرانسفر کر دیا۔

اہل خانہ نے بتایا کہ پھولا دیوی کا شوہر پنجاب نیشنل بینک کی کولکاتا برانچ میں دفتر کا ملازم تھا۔ ان کی موت کے بعد پھولا دیوی اپنی بیٹی کے گھر رہ رہی تھیں۔

واقعہ کی اطلاع ملتے ہی تھانہ گوری بازار کی پولیس جائے وقوعہ پر پہنچی اور لاش کو قبضے میں لے کر پوسٹ مارٹم کے لیے بھیج دیا۔ پولیس اس معاملے میں ضروری قانونی کارروائی کر رہی ہے۔

---------------

ہندوستان سماچار / عبدالسلام صدیقی